గీతగోవిందం సినిమాతో పెద్ద హిట్ కొట్టారు డైరక్టర్ పరుశురామ్. ఆ తరువాత వెంటనే ప్రాజెక్టును పట్టుకోలేకపోయారు. బోలెడు మంది వెంటపడినా, వెంటనే డెసిషన్ తీసుకోలేదు. ప్రాజెక్టు రెడీ చేయలేదు. గీతా సంస్థలోనే మూడో సినిమా కూడా అంటూ కూర్చుండిపోయారు. అలా అని గీతా సంస్థ కూడా పరుశురామ్ ను చిన్నగా చూడలేదు. ఏకంగా సూపర్ స్టార్ మహేష్ బాబుతోనే కలపాలని నిర్మాత అల్లు అరవింద్ ఆలోచిస్తూ వస్తున్నారు.
మహేష్ తో ఓ సినిమా చేయాలని అరవింద్ అనుకుంటున్నట్లు బోగట్టా. కానీ అవకాశం కుదరడం లేదు. ఆ ప్రాజెక్టుకు పరుశురామ్ ను వాడాలని చూస్తున్నారు. కానీ ఈలోగా మహేష్ వరుసుగా సినిమాలు ఓకె చేసేస్తున్నారు. సుకుమార్ సినిమా ఫిక్స్. అనిల్ రావిపూడి కూడా ఫిక్స్ అయిపోతే మరో రెండు దాకా మహేష్ దొరకరు. మరి అప్పుడు పరుశురామ్ ఏం చేస్తారు?
వేడిగా వున్నపుడే వడ్డించాలి. మరీ హడావుడిగా కాకపోయినా, కాస్త చకచకా ప్లానింగ్ చేసుకోవాలి. అందరూ రాజమౌళిలు కాదుగా, ఎప్పుడు చేసినా జనం గుర్తుపెట్టుకుంటారు అనుకోవడానికి. ఇప్పటికే గీతాలో బొమ్మరిల్లు భాస్కర్, శ్రీకాంత్ అడ్డాల సబ్జెక్ట్ లతో రెడీగా వున్నారు. వారి సరసన పరుశురామ్ కూడా.
