మాస్ మహరాజ్ రవితేజ కథానాయకుడిగా ‘ఎక్కడికి పోతావు చిన్నవాడా’, ‘ఒక్క క్షణం’ చిత్రాల దర్శకుడు వీ ఐ ఆనంద్ తెరకెక్కించనున్న సినిమా ‘డిస్కో రాజా’. రామ్ తాళ్లూరి చిత్రాన్ని నిర్మిస్తున్నారు. రవితేజతో ‘నేల టికెట్’ చిత్రాన్ని నిర్మించింది ఈయనే. ఈ సినిమా షూటింగ్ మార్చి మొదటి వారంలో మొదలు పెట్టనున్నారు. ఇప్పటికే స్క్రిప్ట్ వర్క్ పూర్తయింది. తమన్ సంగీత సారథ్యంలో ట్యూన్స్ కూడా ఫైనలైజ్ చేశారు. షూటింగ్ మొదలుపెట్టిన తర్వాత చక చకా చేసేయడమే. ఇందులో రవితేజ సరసన ముగ్గురు కథానాయకులు నటించనున్నారు. ఆర్ఎక్స్ 100 పోరి పాయల్ రాజ్ పుత్ మొదటి హీరోయిన్ కాగా… నన్ను దోచుకుందువటే ఫేమ్ నభా నటేశ్ రెండో హీరోయిన్. మూడో హీరోయిన్ ని త్వరలో సెలెక్ట్ చేయనున్నారు. తమిళ్ యాక్టర్ బాబీ సినిమా విలన్ క్యారెక్టర్ చేస్తున్నాడు. సైన్స్ ఫిక్షన్ కథతో ఈ సినిమా తెరకెక్కుతుందని సమాచారం.