‘ఖైది నెం 150’లో భాగం కావాల‌ని చాలామంది మెగా ‘న‌టులు’ భావించారు. కానీ ఆ ఛాన్స్ మాత్రం రామ్‌చ‌ర‌ణ్‌కి ద‌క్కింది. `సైరా`కీ అలాంటి పోటీ ఎదురైతే… ఈసారి ఛాన్స్ నిహారిక కొట్టేసింది. ‘సైరా’లో ఆమె ఓ కీల‌క పాత్ర పోషిస్తోంది. క‌నిపించేది కాసేపే అయినా… త‌న పాత్ర‌కు చాలా ప్రాధాన్యం ఉంద‌ని తెలుస్తోంది. ఈ పాత్ర గురించిన వివ‌రాలేం బ‌య‌ట‌కు రానివ్వ‌డం లేదు చిత్ర‌బృందం. నిహారిక కూడా త‌న పాత్ర ఏమిట‌న్న‌ది ర‌హ‌స్యంగానే దాస్తోంది.
అయితే నిహారిక పాత్ర గురించిన ఓ క్లూ దొరికింది. ఇందులో నిహారిక గిరిజ‌న యువ‌తిగా క‌నిపించ‌బోతోంద‌ట. బ్రిటీష్ సైన్యంపై సైరా గొరెల్లా యుద్ధ ప‌ద్ధ‌తిన దాడి చేస్తుంటాడు. సైరాని బంధించ‌డానికి బ్రిటీష్ ప్ర‌భుత్వం పెద్ద ఎత్తున సైన్యాన్ని రంగంలోకి దింపుతుంది. ఓ సంద‌ర్భంలో గిరిజ‌న దండా ద్వారా సైరా త‌ప్పించుకోవాల‌ని చూస్తాడు. ఆ స‌మ‌యంలో బ్రిటీష్ సైన్యం అష్ట‌దిగ్బంధ‌నం చేస్తుంది. అప్పుడే నిహారిక `సైరా`ని కాపాడుతుంది. ఈ సినిమాలో నిహారిక క‌నిపించేది ఈ ఒక్క స‌న్నివేశంలోనే. అయితే.. ఈ సీన్ చాలా బాగా వ‌చ్చింద‌ని టాక్‌. సురేంద‌ర్ రెడ్డి ద‌ర్శ‌క‌త్వం వ‌హిస్తున్న ఈ చిత్రాన్ని ఈ ద‌స‌రాకి విడుద‌ల చేద్దామ‌నుకుంటున్నాడు చ‌ర‌ణ్‌. షూటింగ్ కూడా శ‌ర‌వేగంగా సాగుతోంది.
