ఒక సినిమా హిట్ కొడితే సరిపోదు. హిట్ మీద హిట్ కొడుతూనే వుండాలి. లేదూ అంటే పక్కన పెట్టేస్తారు. దర్శకుడు చందు మొండేటి పరిస్థితి అదే ఇప్పుడు. సవ్యసాచి ఫ్లాపుతో చేతిలో అడ్వాన్స్ లు మిగిలాయి కానీ, సినిమా కనిపించడం లేదు. ఆఖరికి శర్వానంద్ ను సెట్ చేసుకోవాలని కిందా మీదా ప్రయత్నించారు. నిర్మాత చెరుకూరి సుధాకర్ తో కలిసి ప్రాజెక్టు రెడీ చేయాలనుకున్నారు.

కానీ శర్వానంద్ పాజిటివ్ గా టర్న్ కాలేదని తెలుస్తోంది. శర్వా స్పెయిన్ లో షూటింగ్ లో వుండగా, అక్కడకు వస్తామని కబురు చేస్తే, ఆయన రావద్దని చెప్పినట్లు తెలుస్తోంది. ఆ తరువాత ఇప్పట్లో తన డేట్ లు ఖాళీ లేవని, ఖాళీ అయ్యాక చూద్దామని చెప్పేసినట్లు తెలుస్తోంది.

దీంతో ఇక చేసేది లేక, నిఖిల్ లో కార్తికేయ 2 చేసే అగ్రిమెంట్ మీద చందు మొండేటి సైన్ చేసేసారు. ఇప్పుడు మళ్లీ ఎక్కడ ప్రారంభించారో అక్కడికి వచ్చేసినట్లే. కార్తికేయతో ప్రారంభించి, కార్తికేయ 2 దగ్గరకు వచ్చారు. ఇది హిట్ కొడితేనే మళ్లీ మంచి ప్రాజెక్టు చేతిలోకి వచ్చేది.