అర్జున్ సురవరం సినిమా తరువాత నిఖిల్ చేపట్టిన ప్రాజెక్ట్ శ్వాస. నివేధా థామస్ హీరోయిన్. కిషన్ కట్టా దర్శకుడు. తేజ్ ఉప్పలపాటి, హరికిషన్ రెడ్డి నిర్మాతలు. ఎక్కడికి పోతావు చిన్నవాడా తరువాత మళ్లీ నిఖిల్ చేస్తున్న థ్రిల్లర్ ఇది. మధ్యలో అర్జున్ సురవరం ఫినిష్ చేసాడు.
శ్వాస టైటిల్, వదిలిన పోస్టర్ సినిమా మీద కాస్త ఆసక్తి కలిగించాయి. కానీ విషయం ఏమిటంటే, ఈ శ్వాస ఆగిపోయింది. ఏమయిందో తెలియదు. ఎక్కడ సమస్యో తెలియదు. మొత్తానికి సినిమా ఆగిపోయింది. అలాగే ఆసియన్ సునీల్ ఓ సినిమాను నిఖిల్ తో చేద్దామనుకున్నారు. కానీ అదీ పెండింగ్ లో పడింది.
అందుకే కార్తికేయ, ప్రేమమ్, సవ్యసాచి సినిమాల దర్శకుడు చందు మొండేటి డైరక్షన్ లో కార్తికేయ సీక్వెల్, కార్తికేయ 2 చేయబోతున్నారు. ఆ సినిమా తరువాతనే మరే సినిమా చేస్తారు అన్నది డిసైడ్ అవుతుంది. కిర్రాక్ పార్టీ తరువాత నిఖిల్ లైన్ కొంచెం దెబ్బతింది. చకచకా సినిమాలు చేయడం లేదు. చాలా టైమ్ తీసుకుంటున్నట్లు కనిపిస్తోంది.
