ఆర్ఆర్ఆర్ లో బాలీవుడ్ స్టార్ అజయ్ దేవగన్ నటిస్తున్నాడు అన్నది పక్కా అయిపోయింది. అయితే అతగాడిది ఫుల్ లెంగ్త్ రోల్ కాదు. సినిమాలోని ఫ్లాష్ బ్యాక్ ఎపిసోడ్ లో మాత్రమే అజయ్ దేవగన్ కనిపిస్తాడట. ఈ ఎపిసోడ్ సుమారు 40 నిమషాలు వుంటుందని తెలుస్తోంది. ఆ నలభై నిమషాల్లో ముఫై నిమషాల సేపు అజయ్ దేవగన్ తెరపై కనిపిస్తాడట.
ఇదిలా వుంటే ప్రస్తుతం అల్యూమినియం ఫ్యాక్టరీలో ఆర్ఆర్ఆర్ సినిమా షూట్ జరుగుతోంది. ఎన్టీఆర్ మీద సోలో సీన్లు చిత్రీకరిస్తున్నారు. ఈ సీన్లలో రామ్ చరణ్ వుండడన్నమాట. ఇప్పుడు తీస్తున్న సీన్లు అన్నీ ఎక్కువగా సినిమాలో కీలక సన్నివేశాలు కావు. మధ్యలో జోడించేవి, ఇంకా మమూలు సీన్లు అని తెలుస్తోంది. అసలైన సీన్లు అన్నీ అలహాబాద్, జైపూర్, ఢిల్లీ ప్రాంతాల్లో చిత్రీకరిస్తారు.
ఇక్కడ నుంచి త్వరలో యూనిట్ అలహాబాద్ కు వెళ్తుందని తెలుస్తోంది. అక్కడ ఓ వారం రోజులు షూట్ వుండే అవకాశం వుంది.
