సంక్రాంతి విడుదలయిన సినిమాల్లో సూపర్ హిట్ అయిన సోగ్గాడు కాస్లుల వర్షం కురిపించాడు.. కురిపిస్తూనే ఉన్నాడని తెలిసిందే. కింగ్ నాగార్జున కెరియర్ లో సోగ్గాడే చిన్ని నాయనా సినిమా ఓ ట్రెండ్ క్రియేట్ చేస్తుంది. హిట్ కోసం తపన పడుతున్న తనయులను కాదని నాగ్ మాత్రం హిట్స్ మీద హిట్స్ కొడుతున్నాడు. కళ్యాన్ కృష్ణ దర్శకత్వంలో వచ్చిన సోగ్గాడు సినిమా కథ, స్క్రీన్ ప్లే నిర్మాతగ రాధా మోహన్ అందించడం జరిగింది. అయితే కథ తనదే అయినా సినిమాకు ఫైనల్ వర్షన్ మాత్రం దర్శకుడు కళ్యాన్ కృష్ణ అందించాడట.
విశ్వసనీయ సమాచారం ప్రకారం రాధా మోహన్, కళ్యాన్ కృష్ణ ఈ సినిమాను మెగాస్టార్ చిరంజీవికి వినిపించారట. కథ బాగున్నా తన 150వ సినిమా ఇది చేస్తే అభిమానులు యాక్సెప్ట్ చేస్తారో లేదో అని సోగ్గాడిని వదులుకున్నాడట చిరు. అదే సినిమా కథ నాగ్ కు చెప్పడం కథ నచ్చి తానే సొంతంగా నిర్మించడం జరిగింది. ఈ సంవత్సరం నిజమైన సంక్రాంతి శోభను తెచ్చి అన్ని వర్గాల ప్రేక్షకులను అలరించిన సినిమాగా సోగ్గాడు సూపర్ సక్సెస్ కొట్టేశాడు.
ఇప్పటికే సినిమా 40 కోట్ల షేర్ వసూళ్లను రాబట్టిందని తెలుస్తుంది. అసలే ఈ మధ్య నాగ్ ఫుల్ ఫాంలో ఉన్నాడు.. అటు ఓ పక్క బుల్లితెర మీద మీలో ఎవరు కోటీశ్వరుడు అంటూ బుల్లితెర ఆడియెన్స్ ను అలరిస్తూనే మరో వైపు వరుసెంట సినిమాలను సూపర్ హిట్స్ గా మలచుకుంటున్నాడు. ప్రస్తుతం సక్సెస్ మజాను ఎంజాయ్ చేస్తున్న నాగార్జున త్వరలో దర్శకేంద్రుడు కె.రాఘవేంద్ర రావు దర్శకత్వంలో ఓ సినిమా ప్లాన్ చేస్తున్నాడు.
