ప‌వ‌న్ క‌ల్యాణ్ జ‌న‌సేన పార్టీ స్థాపించిన‌ప్ప‌టి నుంచీ త‌మ్ముడికి అండ దండ‌గా ఉంటూ వ‌స్తున్నాడు నాగ‌బాబు. పార్టీలో చేర‌క‌పోయినా – ఆ పార్టీకి ప‌నికొచ్చే ప‌నులు చేస్తూ – మెగా అభిమానుల దృష్టిని ఆక‌ర్షించాడు. పార్టీ ఫండ్ రూపంలో భారీ మొత్తంలో డొనేష‌న్లు కూడా ఇచ్చాడు. ఎన్నిక‌లు ద‌గ్గ‌ర‌ప‌డుతున్న ఈ త‌రుణంలో నాగ‌బాబు ప్ర‌త్య‌క్ష రాజ‌కీయాల్లోనూ దిగాల‌ని భావిస్తున్నారు. ఆయ‌న దృష్టి న‌ర‌సాపురం పార్ల‌మెంటరీ నియోజ‌క వ‌ర్గంపై ప‌డింది. అక్క‌డి నుంచి ఆయ‌న ఎంపీగా పోటీ చేయాల‌ని డిసైడ్ అయ్యారు. ఈ విష‌యంపై ప‌వ‌న్ క‌ల్యాణ్‌లో ప‌లుసార్లు చ‌ర్చించారు కూడా. ఈరోజే నాగ‌బాబు జ‌న‌సేన‌లో అధికారికంగా చేర‌బోతున్నారు. న‌ర‌సాపురం పార్ల‌మెంటు టికెట్టు కూడా జ‌న‌సేన నాగ‌బాబుకే క‌ట్ట‌బెట్టింది. ఈ విష‌యాన్ని పార్టీ వ‌ర్గాలు కూడా అధికారికంగా ధృవీక‌రించాయి. ఇక్క‌డ జ‌న‌సేన‌కు గెలిచే అవ‌కాశాలు కూడా బ‌లంగానే క‌నిపిస్తున్నాయి. టీడీపీ – జ‌న‌సేన‌ల మ‌ధ్య ర‌స‌వ‌త్త‌ర‌మైన పోటీ చూడొచ్చు.