బ్రూస్ లీ తర్వాత కాస్త ఎక్కువ గ్యాప్ తీసుకున్న చరణ్ ఇప్పుడు వరుసెంట సినిమాలకు రంగం సిద్ధం చేసుకున్నాడు. ప్రస్తుతం తని ఒరువన్ రీమేక్ కార్యక్రమాలను పూర్తి చేసుకున్న చరణ్ ఆ సినిమా షూటింగ్ కు అంతా సిద్ధం చేశారు. సినిమా టైటిల్ కూడా రక్షక్ అని పెట్టబోతున్నారట. ఇక ఈ సినిమా స్టార్ట్ అవ్వకముందే చరణ్ తన తర్వాత సినిమా గురించి కూడా కార్యచరణలు చేస్తున్నాడట.
ప్రభాస్ కు మిర్చి, మహేష్ కు శ్రీమంతుడు సినిమాలతో హిట్స్ ను అందించిన కొరటాల శివ ప్రస్తుతం ఎన్టీఆర్ తో జనతా గ్యారేజ్ తీస్తున్నాడు. సినిమా చిత్రీకరణ త్వరలో మొదలవనుంది. కొరటాల శివ జనతా గ్యారేజ్ తర్వాత చరణ్ తో సినిమా ఉంటుందని ఫిల్మ్ నగర్ సమాచారం. ఇప్పటికే వీరిద్దరి మధ్య చర్చలు జరిగాయని కచ్చితంగా ఈ కాంబినేషన్ లో ఓ సినిమా ఉంటుందని అంటున్నారు.
ఇక రాం చరణ్ రక్షక్ సినిమా గీతా ఆర్ట్స్ పతాకంలో అల్లు అరవింద్ నిర్మిస్తుండగా సురేందర్ రెడ్డి దర్శకత్వం వహిస్తున్నాడు. సినిమాలో కథానాయికగా కీర్తి సురేష్, శృతి హాసన్ పేర్లు వినపడుతున్నాయి.
