పక్కింటి పిన్నిగారు కాసుల పేరు కొనుక్కుంటే ఇరుగింటి మంగళగౌరి కూడా అదే కావాలంటుంది. సినిమా హీరోలు కూడా అదే బాపతు. ఓ క్రేజీ హీరోయిన్ తో ఎవరైనా హీరో చేస్తే, ఇక మిగిలిన హీరోలు అందరూ కూడా ఓ రౌండ్ వేసేస్తారు. ఇది టాలీవుడ్ లో కామన్. అందరు హీరోలు ఒక్కో సినిమా చేసేసాక, ఇక హీరోయిన్ అదృష్టం బాగుంటే మరో చాన్స్ వస్తుంది. అలా వచ్చేవాళ్లు తక్కువ. సమంత, అనుష్క లాంటి వాళ్లు కొద్దిమందికే అలాంటి అవకాశం దక్కింది.
సరే, విషయానికి వస్తే, రామ్ చరణ్ సరసన బాలీవుడ్ బ్యూటీ ఆలియాభట్ నటిస్తోంది. రాజమౌళి ఆర్ ఆర్ ఆర్ సినిమాలో. భారీ రెమ్యూనిరేషన్ ఇచ్చి తీసుకువచ్చారు. అయితే అదే ఆలియా భట్ ను తన సినిమా కోసం ట్రయ్ చేయమని స్టయిలిష్ స్టార్ బన్నీ చెప్పినట్లు తెలుస్తోంది.
వేణు శ్రీరామ్ డైరక్షన్ లో నిర్మాత దిల్ రాజు నిర్మించే సినిమా ఈ ఏడాది చివరిలో ప్రారంభం అవుతుంది. అందులో హీరోయిన్ క్యారెక్టర్ చాలా కీలకం. ఆలియాభట్ అయితే బాగుంటుందని, ట్రయ్ చేయమని బన్నీ చెప్పినట్లు బోగట్టా. రెమ్యూనిరేషన్ సమస్య లేదు. బన్నీకి హిందీ శాటిలైట్, డబ్బింగ్ మంచి రేటు వస్తుంది. ఆలియాభట్ తోడయితే ఇంకా బెటర్ రేటు వస్తుంది. కానీ ఆమె ఓకె అనాలి. అదే సమస్య.
