మ‌జిలీతో ఓ హిట్టు కొట్టేశారు నాగ‌చైత‌న్య, స‌మంత దంప‌తులు. ఈ సినిమా విజయం వీరిద్ద‌రికీ చాలా ప్ర‌త్యేకం. మ‌రీ ముఖ్యంగా నాగ‌చైత‌న్య‌కు. వ‌రుస ప‌రాజ‌యాల‌కు మ‌జిలీ బ్రేక్ వేసిన‌ట్టైంది. దాంతో ఈ విజ‌యాన్ని ఇద్ద‌రూ సెల‌బ్రేట్ చేసుకోవాల‌ని నిర్ణ‌యించుకున్నారు. వ‌చ్చే నెల‌లో స‌మంత, చైత‌న్య క‌ల‌సి… ఓ హాలీడే ట్రిప్ వేయ‌బోతున్నారు. “ప్ర‌స్తుతం వెంకీమామ షూటింగ్ జ‌రుగుతోంది. దానికి కొంచెం బ్రేక్ ఇచ్చి.. మే రెండో వారంలో హాలీడే ట్రిప్‌కి వెళ్దామ‌నుకుంటున్నా” అన్నాడు చైతూ.
“మ‌జిలీ టైమ్‌లో చాలా ఒత్తిడికి లోన‌య్యాను. ఈ సినిమా హిట్టవుతుందా, లేదా? అంటూ టెన్ష‌న్ ప‌డ్డాను. ఎందుకంటే పెళ్ల‌య్యాక మేమిద్ద‌రం క‌ల‌సి న‌టించిన సినిమా ఇది. సెంటిమెంట్ ప‌రంగానూ ఈ హిట్టు మా ఇద్ద‌రికీ చాలా కీల‌కం. మ‌జిలీ, సూప‌ర్ డీల‌క్స్ సినిమాల్లో తీరిక లేకుండా గ‌డిపాను. అందుకే ఇప్పుడు కాస్త బ్రేక్ తీసుకోవ‌డం నాకు చాలా అవ‌స‌రం” అంటోంది స‌మంత. అక్కినేని కుటుంబానికి మాల్దీవులు ఫ్యామ‌స్ హాలిడే స్పాట్‌. ఏమాత్రం విరామం దొరికినా కుటుంబం మొత్తం అక్క‌డికే వెళ్తుంటారు. మ‌రి చై-స‌మంత కూడా ఈసారీ అక్క‌డికే వెళ్తారా? లేదంటే కొత్త‌గా ఏమైనా ప్లాన్ చేస్తారా? అనేది చూడాలి.
