సూపర్ స్టార్ మహేష్ బాబు లేటెస్ట్ మూవీ మహర్షి. ఇప్పటికే ఈ సినిమాలోని రెండు పాటలు బయటకు వదిలారు. చోటీ చొటీ బాతే అనే మొదటి పాటకు బాగానే వుందని టాక్ వచ్చింది. రెండో పాట ‘నువ్వే సమస్తం’ విషయంలో మాత్రం పెదవి విరుపులే మిగిలాయి.
అయితే ఈ రెండో పాట సినిమాలో పాటగా రాదట. కేవలం ఆర్ ఆర్ మాదిరిగా బ్యాక్ గ్రౌండ్ లో అప్పుడప్పుడు వస్తుందట. ఇలాగే ఆర్ ఆర్ మాదిరిగా అప్పడప్పుడు వచ్చే పాట మరోటి వుందట.
ఈ రెండూ కాక ఆరు పాటలు వుంటాయట. అంటే ఆరు స్ట్రయిట్ పాటలు, రెండు ఆర్ ఆర్ సాంగ్స్ కలిపి మొత్తం ఎనిమిది పాటలు అన్నమాట. వీటిల్లో ఒకటి గతంలోని ‘వచ్చాడయ్యా సామీ’ టైపులో ఒక పాట వుంటుందట. అది పెద్ద హిట్ అవుతుందని యూనిట్ గట్టి నమ్మకంతో వుంది. ఈ పాటలు అన్నీ ఒకటీ ఒకటిగా విడుదల తేదీ లోపు బయటకు వదులుతారు. సినిమా మే 9న విడుదలవుతుంది.
