ఇది వ‌ర‌కు అలీని ‘మ‌నోడే’ అనుకునేవారు ప‌వ‌న్ క‌ల్యాణ్ ఫ్యాన్స్. 2019 ఎన్నిక‌ల పుణ్య‌మా అని… అలీకీ, ప‌వ‌న్‌కీ మ‌ధ్య దూరం పెరిగిపోయింది. దాంతో… ప‌వ‌న్ ఫ్యాన్స్ కూడా అలీని దూరం పెట్టేశారు. అలీ కూడా ప‌వ‌న్‌పై ఓ వీడియో బ‌య‌ట‌కు వ‌ద‌ల‌డం, ‘నేను మీ వ‌ల్ల హ‌ర్ట‌య్యాను’ అని నేరుగా చెప్ప‌డంతో ఈ గ్యాప్ మ‌రింత పెరిగింది. ఇప్పుడు అలీ… ప‌వ‌న్ ఫ్యాన్స్‌ని మ‌రింత హ‌ర్ట్ అయ్యే పని చేయ‌బోతున్నాడ‌ని టాలీవుడ్ లో గుస‌గుస‌లు వినిపిస్తున్నాయి.
పోసాని కృష్ణ ముర‌ళి ద‌ర్శ‌క‌త్వంలో ‘ముఖ్య‌మంత్రిగారూ మీరు మాటిచ్చారు’ అనే చిత్రం రూపొందుతున్న సంగ‌తి తెలిసిందే. 2014 ఎన్నిక‌ల స‌మ‌యంలో ఏర్ప‌డిన ప‌రిణామాల నేప‌థ్యంలో సాగే క‌థ ఇది. చంద్ర‌బాబు నాయుడుపై సెటైరిక‌ల్‌గా ఈ సినిమా ఉండ‌బోతోంద‌ని తెలుస్తోంది. 2014 ఎన్నిక‌ల స‌మ‌యంలో ప‌వ‌న్ క‌ల్యాణ్ చంద్ర‌బాబుకి మ‌ద్ద‌తు ఇచ్చిన సంగ‌తి తెలిసిందే. ఈ సినిమాలో ప‌వ‌న్‌ని పోలిన పాత్ర ఒక‌టుంద‌ని, అది అలీ చేయ‌బోతున్నాడ‌ని టాక్‌. చంద్ర‌బాబుతో పాటు ఈ సినిమాలో ప‌వ‌న్‌పైనా సెటైర్లు పేల‌బోతున్నాయ‌ని తెలుస్తోంది. మ‌రి అలాంటి పాత్ర చేయ‌డానికి అలీ ఎలా ఒప్పుకున్నాడో. మొత్తానికి ఈ సినిమా బ‌య‌ట‌కు వ‌స్తే.. చంద్ర‌బాబు నాయుడు ఫ్యాన్స్ తో పాటు ప‌వ‌న్ ఫ్యాన్స్ కూడా హ‌ర్ట‌వ్వ‌డం గ్యారెంటీ. మ‌రి అలీ ఏం చేస్తాడో చూడాలి.
