తెలుగు చిత్ర‌సీమ‌కు ఓ పాడు బుద్ది ఉంది. ఓ సినిమా హిట్ట‌యితే – దానికి అటూ ఇటుగా క‌థ‌లు అల్లుకుని సినిమాలు తీసేస్తుంటారు. ఇప్పుడు టాలీవుడ్ కి ‘మ‌హ‌ర్షి’ ఫీవ‌ర్ ప‌ట్టుకుంది. ఈ సినిమాలోలా ఓ బ‌ల‌మైన సోష‌ల్ ఎలిమెంట్‌కి, క‌మ‌ర్షియ‌ల్ అంశాల‌న్నీ జోడించి క‌థ‌లు వండేస్తున్నారు. ప్ర‌స్తుతం శ‌ర్వానంద్ కూడా అదే దారిలో ఉన్న‌ట్టు తెలుస్తోంది. ఏకే ఎంట‌ర్‌టైన్‌మెంట్స్‌లో శ‌ర్వా ఓ సినిమా చేయ‌బోతున్నాడు. కిషోర్ అనే కొత్త ద‌ర్శ‌కుడు ఈ సినిమాతో ప‌రిచ‌యం కానున్నాడు. ఓ మిలియ‌నీర్ వ్య‌వ‌సాయ‌దారుడుగా మార‌డ‌మే ఈ సినిమా క‌థాంశం అని తెలుస్తోంది. థీమ్ ఒకేలా ఉన్నా – స్క్రీన్ ప్లే, క్యారెక్ట‌రైజేష‌న్ కాస్త విభిన్నంగా ఉంటే, విజ‌యం సాధించొచ్చు. కాక‌పోతే ఏమాత్రం అటూ ఇటూ అయినా… మ‌హ‌ర్షిని చూసి వాత‌లు పెట్టుకున్నార‌న్న అప‌నింద మాత్రం మోయాల్సివ‌స్తుంది. ఇది వ‌ర‌కు శ‌ర్వాపై ‘అర్జున్ రెడ్డి’ హ్యాంగోవ‌ర్ ఉండేద‌ని టాక్‌. త‌న ప‌డి ప‌డి లేచే మ‌న‌సులో కొన్ని షాట్లు అర్జున్ రెడ్డి హ్యాంగోవ‌ర్ లో తీసిన‌వే అని… అప్ప‌ట్లో గుస‌గుస‌లు వినిపించాయి. కానీ ఏమైంది? ‘ప‌డి ప‌డి లేచే మ‌న‌సు’తో శ‌ర్వా కెరీర్ ఇంకాస్త కింద‌కు ప‌డింది. మ‌రి ఈసారి ఏం జ‌రుగుతుందో చూడాలి.