న‌టుడిగా జేడీ చ‌క్ర‌వ‌ర్తి త‌నకంటూ ఓ గుర్తింపు తెచ్చుకున్నాడంటే కార‌ణం… రాంగోపాల్ వ‌ర్మ‌. `శివ‌`తో జేడీతో పాటు చాలామందికి లైఫ్ ఇచ్చాడు వ‌ర్మ‌. కాక‌పోతే… జేడీని మాత్రం వ‌ర్మ వ‌ద‌ల్లేదు. ఆఖ‌రికి బాలీవుడ్‌కీ తీసుకెళ్లాడు. `స‌త్య‌`లాంటి సూప‌ర్ హిట్ ఇచ్చాడు. ద‌ర్శ‌కుడిగా మార్చాడు. కొన్నాళ్లుగా వ‌ర్మ – జేడీ దూరం దూరంగానే ఉంటున్నారు. అయితే… ఇప్పుడు మ‌ళ్లీ ఈ గురు శిష్యులు ఓ సినిమా చేయ‌బోతున్నారు. జేడీ క‌థానాయ‌కుడిగా న‌టించే ఈ చిత్రానికి వ‌ర్మ నిర్మాత‌గా వ్య‌వ‌హ‌రిస్తాడు. ద‌ర్శ‌కుడి పేరు త్వ‌ర‌లోనే ప్ర‌క‌టిస్తారు. మ‌రోవైపు `థైస్ అండ్ గ‌న్స్‌` అనే వెబ్ సిరీస్‌ని అప్పుడెప్పుడో వ‌ర్మ ప్ర‌క‌టించిన సంగ‌తి గుర్తుండే ఉంటుంది. ప్ర‌స్తుతం.. దాని ప‌నులు జ‌రుగుతున్నాయి. వీట‌న్నింటినీ.. జేడీనే ప‌ర్య‌వేక్షిస్తున్నాడు. వ‌ర్మ ఆధ్వ‌ర్యంలోనే మ‌రో బెస్ సిరీస్ కూడా జేడీ ప్లాన్ చేస్తున్నాడు. మొత్తానికి గురు శిష్యులు మ‌ళ్లీ యాక్టీవ్ అవుతున్నార‌న్న‌మాట‌. జేడీ ఓ ప్ర‌ధాన పాత్ర పోషించిన `హిప్పీ` ఈవారం విడుద‌ల కాబోతున్న సంగ‌తి తెలిసిందే. కార్తికేయ క‌థానాయ‌కుడిగా న‌టించిన ఈ చిత్రానికి కృష్ణ ద‌ర్శ‌కుడు.