ప్రముఖ నటుడు గిరీష్‌ కర్నాడ్‌ కన్నుమూశారు. క‌న్న‌డ‌, హిందీ చిత్రాల‌లో ఎక్కువ‌గా న‌టించిన గిరీష్‌… తెలుగు ప్రేక్ష‌కుల‌కూ సుప‌రిచితుడే. ధ‌ర్మ‌చ‌క్రం, శంక‌ర్ దాదా ఎంబీబీఎస్‌, ప్రేమికుడు, ఆనంద భైర‌వి, ర‌క్ష‌కుడు త‌దిత‌ర చిత్రాల‌లో కీల‌క పాత్ర‌లు పోషించారు. గిరీష్ ర‌చ‌యిత కూడా. 1998లో సాహిత్య రంగంలో విశిష్ట‌మైన జ్ఞాన‌పీఠ పుర‌స్కారాన్ని పొందారు. నాట‌క‌రంగంలోనూ తిరుగులేని ఖ్యాతిని సంపాదించారు. ఆయన సేవలను గుర్తించిన కేంద్ర ప్రభుత్వం 1992లో పద్మభూషణ్‌ అవార్డుతో సత్కరించింది. కొంతకాలంగా అనారోగ్యంతో బాధపడుతున్న ఆయన బెంగళూరులో తన నివాసంలో ఈ ఉదయం తుది శ్వాస విడిచారు.