సూపర్ డీలక్స్. తమిళంలో విడుదలై దాదాపు ఆరు నెలలు కావస్తోంది. సమంత, రమ్యకృష్ణ లాంటి తెలుగు హీరోయిన్లు, విజయ్ సేతుపతి లాంటి తెలుగువారికి పరిచయం వున్న హీరో నటించిన సినిమా. పైగా హాట్ హాట్ సీన్లు వున్నాయి అని ప్రచారం జరిగిన సినిమా. సాధారణంగా తెలుగు హీరోయిన్లు వున్న తమిళ సినిమాలు ఏ మాత్రం బాగున్నా తెలుగులోకి వచ్చేస్తాయి. అలాంటిది సమంత, రమ్యకృష్ణ కాస్త స్పైసీ పాత్రల్లో నటించారని వార్తలు వచ్చిన ఈ సినిమా మాత్రం తెలుగులోకి ఎందుకు రాలేదు?

తెలుగు హక్కులు ఎవరు కొన్నారో? లేదో? అసలు ఏమయిందో అన్నది తెలియదు. కానీ ఈ సినిమా తెలుగులోకి రావడానికి సమంత అంత సుముఖంగా లేదని మాత్రం గ్యాసిప్ లు వినిపిస్తున్నాయిు. ఈ సినిమా అసలు ప్రారంభం కావడమే సమంత వేసిన పాత్ర తన మాజీ ప్రియుడితో సెక్స్ లో పాల్గొనడంతో ప్రారంభమవుతుంది. అలాగే సినిమాలో రమ్యకృష్ణ వేశ్యగా కనిపిస్తుంది.

పెళ్లయిన తరువాత మంచి పాత్రలు ఎంచుకుని మరీ నటిస్తున్న సమంత సూపర్ డీలక్స్ లో తన పాత్ర వీటికి భిన్నంగా వుంటుంది కనుక, తెలుగులోకి ఆ సినిమా రావడానికి అంతగా ఇష్టపడడం లేదని గ్యాసిప్ లు వినిపిస్తున్నాయి. మరి ఇదే నిజమా? లేక, రైట్స్ కు ఎక్కువ అమౌంట్ చెప్పడంతో ఎవ్వరూ ముందుకు రావడం లేదా అన్నది తెలియాల్సి వుంది.

సమంత తరువాత ఏంటీ?

రంగస్థలం, యు టర్న్, మహానటి, మజిలీ, ఓ బేబీ ఇలా వరుస సినిమాలతో బ్యాక్ టు బ్యాక్ హిట్ లు కొట్టిన అక్కినేని ఫ్యామిలీ లక్కీ లేడీ సమంత ఇప్పుడు ఏం చేస్తోంది? తరువాత ఏంటీ? నాగ్ మన్మధుడు 2లో చిన్న కామియో క్యారెక్టర్ వుంది. కానీ అది అభిమానులకు సరిపోయేది కాదు. జనాల చూపు అంతా 96 రీమేక్ మీదే. యంగ్ హీరో శర్వానంద్ పక్కన సమంత ఈ సినిమా చేస్తోంది. తమిళంలో త్రిష చేసిన క్యారెక్టర్ ఇది. పూర్తిగా ఎమోషనల్ గా నటన పండించాల్సిన క్యారెక్టర్.

సమంత ఆ విషయంలో ఎక్కడా లోపం చేయదు. అంత వరకు గ్యారంటీ. అయితే ఆ తరువాత ప్రాజెక్టు ఏమిటి అన్నదానికి ప్రస్తుతం అయితే ఎక్కడా చిన్న గ్యాసిప్ కూడా లేదు. కానీ ప్రస్తుతం అయితే సమంత తమిళంలో ఓ ప్రాజెక్టు చేయబోతున్నట్లు వార్తలు వినిపిస్తున్నాయి. కానీ అది తెలుగులో వస్తుందన్న గ్యారంటీ లేదు

ప్రస్తుతానికి తెలుగులో కొత్త కమిట్ మెంట్లు సమంత తీసుకోలేదు. సమంత కోసం మళ్లీ నందిని రెడ్డినే మాంచి స్క్రిప్ట్ తయారుచేసే పని టేకప్ చేసినట్లు వినిపిస్తోంది. ఇందుకోసం స్క్రిప్ట్ ల వెదుకులాట ప్రారంభమైందని నిర్ధారణ కాని వార్తలు వినిపిస్తున్నాయి.