సాహో చిత్రంతో బాలీవుడ్ హీరోయిన్‌ శ్ర‌ద్ధాక‌పూర్ తెలుగులో అరంగేట్రం చేస్తోంది. ఇందులో తాను పోలీస్ పాత్ర చేస్తున్న‌ట్లు తెలిపింది. ఈ నెల 30న ఈ సినిమా విడుద‌లకానుంది. ఈసంద‌ర్భంగా సినిమా విశేషాల్ని శ్ర‌ద్ధాక‌పూర్ పాత్రికేయుల‌తో పంచుకుంది. “సాహో సినిమాతో హైద‌రాబాద్ నాకు రెండో ఇల్లుగా మారిపోయింది.ఈ రెండేళ్ల ప్ర‌యాణంలో ఈ సినిమా నాకు ఎన్నో మ‌ధుర‌మైన జ్ఞాప‌కాల్ని మిగిల్చింది. ఇండియ‌లోనే అతిపెద్ద యాక్ష‌న్ థ్రిల్ల‌ర్ సినిమా ఇది. క‌థ విన‌గానే చాలా న‌చ్చింది. నా పాత్ర బాగుండ‌టంతో పాటు బ‌హుభాషా సినిమా కావ‌డంతో అంగీక‌రించాను. ప్ర‌భాస్ నిజాయితీ క‌లిగిన న‌టుడు. ద‌ర్శ‌కుడు సుజీత్‌ను పూర్తిగా న‌మ్మి ఈ సినిమా చేశాను. నా కెరీర్‌లో తొలిసారి ఈ సినిమా కోసం యాక్ష‌న్ సీక్వెన్స్‌లో న‌టించాను. పోలీస్ పాత్ర కావ‌డంతో బాధ్య‌త‌గా భావించి సినిమా చేశాను” అని చెప్పింది.