జనసేన అధినేత పవన్ కళ్యాణ్ పుట్టినరోజు సందర్భంగా దాదాపు కోటి ట్వీట్లతో పవన్ కళ్యాణ్ ఫ్యాన్స్ సోషల్ మీడియా ని హోరెత్తించారు. #HappyBirthdayPawanKalyan అని హ్యాష్ ట్యాగ్ ని జత చేస్తూ పవన్ కళ్యాణ్ ఫ్యాన్స్ మాత్రమే కాకుండా అటు సినీ పరిశ్రమ నుండి ఇటు రాజకీయ రంగం నుండి పలువురు పవన్ కళ్యాణ్ కు పుట్టినరోజు శుభాకాంక్షలు తెలిపారు.
మాజీ ముఖ్యమంత్రి, తెలుగుదేశం పార్టీ అధినేత చంద్రబాబు నాయుడు ట్వీట్ చేస్తూ, “తెలుగు సినీనటులుగా అశేష ప్రేక్షకాభిమానాన్ని సంపాదించి, విశిష్ట వ్యక్తిత్వంతో, ప్రజల పక్షాన నిలిచి సేవలందిస్తోన్న జనసేన పార్టీ అధినేత @PawanKalyan గారికి పుట్టినరోజు శుభాకాంక్షలు. మీరు శతాయుష్కులై, సంపూర్ణ ఆనందారోగ్యాలతో వర్ధిల్లాలని కోరుకుంటున్నాను.” అని రాసుకొచ్చారు.
అలాగే మాజీ మంత్రి నారా లోకేష్ కూడా పవన్ కళ్యాణ్ కు పుట్టినరోజు శుభాకాంక్షలు తెలియజేస్తూ, “జనసేన అధినేత శ్రీ @PawanKalyan గారికి హృదయపూర్వక జన్మదిన శుభాకాంక్షలు. ఉన్నతమైన భావాలతో ప్రజాక్షేత్రంలో ప్రయాణిస్తున్న మీకు ఆ భగవంతుడు సంపూర్ణ ఆరోగ్యాన్ని, ఆనందాన్ని అందించాలని కోరుకుంటున్నాను” అని ట్వీట్ చేశారు.
ఇక తెలుగుదేశం పార్టీ ఎంపీ రామ్మోహన్ నాయుడు కూడా సినిమాలను వదిలివేసి ప్రజాసేవ కోసం రాజకీయాల్లోకి రావడం ద్వారా ఎంతో మంది యువత కి పవన్ కళ్యాణ్ స్పూర్తి గా నిలిచారు అంటూ ట్వీట్ చేశారు. ఇంగ్లీష్ లో ఆయన ట్వీట్ చేస్తూ “I wish you a very Happy Birthday @PawanKalyan Garu. In leaving behind ur great career in movies & entering politics, you have inspired many youth about the nobility of public service. I wish you all the best in your future endeavors with @JanaSenaParty.
#HappyBirthdayPawanKalyan” అని రాశారు. ఇక బిజెపి తరఫున నుండి రాజ్యసభ ఎంపీ గా ఉన్నటువంటి సుజనా చౌదరి కూడా పవన్ కళ్యాణ్ కు శుభాకాంక్షలు తెలియజేశారు.
ఇక గబ్బర్ సింగ్ దర్శకుడు అయినటువంటి హరీష్ శంకర్ పవన్ కళ్యాణ్ మీద తన అభిమానాన్ని ప్రదర్శించడానికి ఎప్పుడు మొహమాట పడరు. ఆయన ట్వీట్ చేస్తూ, “Happy birthday to my GabbarSingh @PawanKalyan
Your love can’t be expressed but I am blessed to experience it..
Thank you for everything.
Here is a small gesture from team #Valmiki to wish you the most happiest birthday ever..”అని ట్వీట్ చేస్తూ, దాంతోపాటే వాల్మీకి పోస్టర్ కూడా పంచుకున్నారు. అదేవిధంగా ప్రతి రోజు పండగే సినిమా యూనిట్ కూడా తమ షూటింగ్ లోనే పవన్ కళ్యాణ్ పుట్టిన రోజును జరుపుకున్నారు. దర్శకుడు మారుతి, మెగా హీరో సాయి ధరంతేజ్ లు ఆ వివరాలను ట్వీట్ చేశారు. ఇతర మెగా హీరోలు రామ్ చరణ్, అల్లు అర్జున్ ,అల్లు శిరీష్ కూడా అ పవన్ కళ్యాణ్ కు శుభాకాంక్షలు తెలియజేశారు.
అదేవిధంగా, పవన్ కళ్యాణ్ పుట్టినరోజు సందర్బంగా నరసాపురం నుండి ప్రత్యేకంగా చిరంజీవి బ్లడ్ బ్యాంక్ కు విచ్చేసి కొందరు అభిమానులు నేత్రదానం చేసారు. వారితో పాటు ప్రముఖ సినీ నటులు కృష్ణుడు కూడా ఉన్నారు.
ప్రముఖ సంగీత దర్శకుడు దేవిశ్రీ ప్రసాద్ కూడా పవన్ కళ్యాణ్ శుభాకాంక్షలు తెలియడంతో పాటు అత్తారింటికి దారేది సినిమా లో నిన్ను చూడగానే పాట సమయంలో తాము తీసుకున్న ఫోటో ని జత చేస్తూ ట్వీట్ చేశారు & “HAPPIEST MUSICAL BIRTHDAY to our Dearest #PowerStar @PawanKalyan sir
Its always an amazing experience being associated with U sir. Keep Rocking in all ur Endeavours sir. Here’s a Sweet Pic I clicked during d shoot of #NinnuChoodagane”
మెగా కుటుంబానికి ఆప్తుడు గా ఉండే నటుడు శ్రీకాంత్ తో పాటు, హీరోయిన్ రష్మిక, దర్శకుడు సంపత్ నంది లాంటి వారు కూడా పవన్ కళ్యాణ్ కు తెలియజేస్తూ ట్వీట్లు చేశారు. మొత్తానికి ఈ రోజంతా పవన్ కళ్యాణ్ కు శుభాకాంక్షలు తెలియజేస్తూ, కొందరైతే సామాజిక కార్యక్రమాలలో పాల్గొంటూ పవన్ కళ్యాణ్ ఫ్యాన్స్ సందడి చేశారు. HappyBirthdayPawanKalyan అనే హ్యాష్ ట్యాగ్ పది మిలియన్ల మార్కు చేరుకున్న అంటూ సోషల్ మీడియాలోో సంబరాలు జరుపుకున్నారు. ఏది ఏమైనా, అప్పట్లో సినిమాలలోో జయాపజయాలతో సంబంధం లేకుండా దశాబ్ద కాలం పాటు పవన్ కళ్యాణ్ వెన్నంటిి ఉన్న అభిమానులు, ఇప్పుడు కూడా రాజకీయాల్లోని జయాపజయాలతో సంబంధం లేకుండా తాము ఆయన వెంట నడుస్తామని నిరూపించుకున్నారు.
