ప్ర‌తిరోజూ పండ‌గే త‌ర‌వాత‌… సాయిధ‌ర‌మ్ తేజ్ చేయ‌బోయే సినిమా ఫిక్స‌య్యింది. సుబ్బు అనే కొత్త ద‌ర్శ‌కుడి క‌థ‌కు తేజూ ఓకే చెప్పిన సంగ‌తి తెలిసిందే. ఈ చిత్రాన్నిఎస్‌వీసీసీ సంస్థ నిర్మిస్తోంది. బివిఎస్ఎన్ ప్ర‌సాద్ నిర్మాత‌. ఈ చిత్రానికి `సోలో బ్ర‌తుకే సో బెట‌ర్‌` అనే టైటిల్‌ని ఖ‌రారు చేశారు. ఈరోజు లోగోని కూడా విడుద‌ల చేశారు. `మ‌నీ`లో భ‌ద్రం బీకేర్ ఫుల్ బ్ర‌ద‌రూ.. భ‌ర్త‌గ మార‌కు బ్యాచిల‌రు అనే హిట్ గీతం ఉంది. అందులోని ఓ లైన్‌.. ఇది. బ్యాచిల‌ర్ లైఫ్‌ని ఎంజాయ్ చేసే కుర్రాడి క‌థ ఇది. అత‌ని జీవితంలో ఎదురైన అమ్మాయిలెవ‌రు? వాళ్లు క‌థానాయ‌కుడిలో తీసుకొచ్చిన మార్పేంటి? అనేదే క‌థ‌. అందుకే ఈ టైటిల్‌ని ఫిక్స్ చేశారు. త‌మ‌న్ ఈ చిత్రానికి సంగీతం అందించ‌నున్నాడు.