వైవిధ్య‌భ‌రిత‌మైన క‌థ‌ల్ని ఎంచుకుంటూ ప్ర‌యాణం సాగిస్తున్నాడు శ్రీ‌విష్ణు. హిట్లో, ఫ్లాపో.. తాను న‌మ్ముకున్న దారి అదే. ఎప్పుడూ క‌మ‌ర్షియ‌ల్ కొల‌త‌ల‌తో క‌థ‌ల్ని అల్లుకోలేదు. తాజాగా `బ్రోచేవారెవ‌రురా`తో ఎన్నాళ్ల నుంచో ఎదురుచూస్తున్న ఓ హిట్ దొరికింది. `తిప్ప‌రా మీసం`పైనా మంచి అంచ‌నాలే ఉన్నాయి. ఈలోగా మ‌రో కొత్త సినిమాని ప‌ట్టాలెక్కించేశాడు. ప్ర‌దీప్ వ‌ర్మ ద‌ర్శ‌క‌త్వంలో ఓ సినిమా చేస్తున్నాడు శ్రీ‌విష్ణు. ఈరోజే ఈ చిత్రం లాంఛ‌నంగా ప్రారంభ‌మైంది. మ‌ణిశ‌ర్మ సంగీతం అందిస్తున్న ఈ చిత్రంలో తొలిసారి పోలీస్ పాత్ర‌లో క‌నిపించ‌బోతున్నాడు విష్ణు. అంతేకాదు… ఇది ప‌క్కా క‌మ‌ర్షియ‌ల్ సినిమా అట‌. అయితే అందులోనూ… కొత్త అంశాల్ని మేళ‌వించేలా విష్ణు జాగ్ర‌త్త ప‌డ్డాడ‌ట‌. మొత్తానికి శ్రీ‌విష్ణు కూడా రూటు మార్చి క‌మ‌ర్షియ‌ల్ వేట మొద‌లెట్టాడ‌న్న‌మాట‌. టైటిల్‌, ఇత‌ర న‌టీన‌టులుయ సాంకేతిక నిపుణుల వివ‌రాలు త్వ‌ర‌లో తెలుస్తాయి.