ప‌వ‌న్ ఎంట్రీ దాదాపుగా ఖాయ‌మైపోయింది. ఈ సినిమాకి రామ్ చ‌ర‌ణ్ నిర్మాత‌గా వ్య‌వ‌హ‌రిస్తార‌ని ప్ర‌చారం గ‌ట్టిగా సాగుతోంది. అయితే… ప‌వ‌న్ మాత్రం తొలి ఛాన్స్ ఏ.ఎం.ర‌త్నంకే ఇచ్చాడ‌ని విశ్వ‌స‌నీయ వ‌ర్గాల స‌మాచారం. ర‌త్నం ఇది వ‌ర‌కే ప‌వ‌న్‌కి అడ్వాన్స్ ఇచ్చాడు. అది కూడా భారీ మొత్తంలో. ప‌వ‌న్ ఒక్క సినిమాకి తీసుకునే పారితోషికం మొత్తాన్ని సింగిల్ పేమెంట్‌లో అడ్వాన్సు రూపంలో ఇచ్చేశాడు. ముందు ఆ అడ్వాన్స్ క్లియ‌ర్ చేయాల్సిన బాధ్య‌త ప‌వ‌న్‌పై ఉంది. మిగిలిన నిర్మాత‌లు ఇచ్చిన అడ్వాన్సు తిరిగి ఇచ్చాడు గానీ, ఏ.ఎం ర‌త్నం డ‌బ్బులు మాత్రం మ‌ళ్లీ ఇవ్వ‌లేకపోయాడు. అందుకే ముందు ర‌త్నంకి సినిమా చేయాల‌ని ప‌వ‌న్ డిసైడ్ అయ్యాడ‌ని టాక్‌. క్రిష్‌తో ప‌వ‌న్ ఓ సినిమా చేయ‌డం దాదాపుగా ఖాయ‌మైపోయింది. ఈ చిత్రానికి ర‌త్నం నిర్మాత‌. మైత్రీ మూవీస్ కూడా ఇప్పుడు ప‌వ‌న్‌తో సినిమా చేయాల‌ని త‌హ‌త‌హ‌లాడుతోంది. దిల్ రాజు కూడా రెడీ అంటున్నాడు. ఆ త‌ర‌వాతే… చ‌ర‌ణ్‌కి ఛాన్సు వ‌స్తుందేమో..?