నిఖిల్ కెరీర్‌లో కార్తికేయ మంచి హిట్‌. చందూ మొండేటి ద‌ర్శ‌క‌త్వం వ‌హించిన ఈ సినిమా బాక్సాఫీసు ద‌గ్గ‌ర వ‌సూళ్ల‌నీ, విమ‌ర్శ‌కుల ప్ర‌శంస‌ల‌నూ అందుకుంది. కార్తికేయ 2 తీద్దామ‌ని ఎప్ప‌టి నుంచో ప్ర‌య‌త్నాలు జ‌రుగుతున్నాయి. కార్తికేయ విడుద‌లై ఐదేళ్లు గ‌డిచిపోయినా – పార్ట్ 2 ప‌ట్టాలెక్కలేదు. ఇప్పుడు అందుకు స‌మ‌యం ఆస‌న్న‌మైంది. న‌వంబ‌రులో ఈ సినిమాని లాంఛ‌నంగా ప్రారంభించ‌నున్నారు. డిసెంబ‌రులో సెట్స్‌పైకి వెళ్ల‌నుంది. 2020 వేస‌విలో ఈ చిత్రాన్ని విడుద‌ల చేసే అవ‌కాశాలు క‌నిపిస్తున్నాయి. దాదాపుగా కార్తికేయ టీమ్ మొత్తం ఈ సినిమాలో క‌నిపించ‌నుంది. క‌థానాయిక మాత్రం మారుతుంది. స్క్రిప్టు ఇప్ప‌టికే సిద్ధ‌మైపోయింది. కార్తికేయ క‌థ ఎక్క‌డైతే ఆగిందో, అక్క‌డి నుంచే ఈ సినిమా మొద‌లు కానుంది. అన్న‌ట్టు నిఖిల్ సినిమా `అర్జున్ సుర‌వ‌రం` కూడా విడుద‌ల‌కు సిద్ధ‌మైంది. సినిమా పూర్త‌యినా.. ఇన్నాళ్లూ విడుద‌ల‌కు నోచుకోలేక‌పోయింది. ఇప్పుడు ఆ అడ్డంకుల‌న్నీ తొల‌గిపోయి న‌వంబ‌రు మొద‌టివారంలో విడుద‌ల కావ‌డానికి సిద్ధ‌మైంద‌ట. సో.. నిఖిల్‌కి మ‌ళ్లీ మంచి రోజులు మొద‌లైన‌ట్టే.
కార్తికేయ 2.. ముహూర్తం ఫిక్స్‌
