ధ‌నుష్ న‌టించిన త‌మిళ చిత్రం ‘అసుర‌న్‌’. ఈ సినిమా సూప‌ర్ డూప‌ర్ హిట్ అయ్యింది. ఈ చిత్రాన్ని తెలుగులో రీమేక్ చేస్తార‌ని కొద్ది రోజులుగా జోరుగా ప్ర‌చారం జ‌రుగుతూ వ‌చ్చింది. ఇప్పుడు అదే నిజ‌మైంది. ఈసినిమాని వెంక‌టేష్ తో రీమేక్ చేస్తున్నారు. ఈ విష‌యాన్ని సురేష్ ప్రొడ‌క్ష‌న్స్ సంస్థ ప్ర‌క‌టించింది. క‌లైపులి ఎస్‌.థానుతో క‌ల‌సి సురేష్ బాబు ఈ చిత్రాన్ని నిర్మించ‌నున్నారు. ప్ర‌స్తుతం వెంక‌టేష్ ‘వెంకీ మామ‌’లో న‌టిస్తున్నారు. ఆ సినిమా పూర్త‌యిన త‌ర‌వాత‌.. ఈ రీమేక్ ప‌ట్టాలెక్క‌బోతోంది. ఈ లోగా ద‌ర్శ‌కుడు ఎవ‌రన్న‌ది తేలుతుంది. ఈ సినిమాపై రామ్ చ‌ర‌ణ్ కూడా దృష్టి సారించార‌ని ప్ర‌చారం జ‌రిగింది. అయితే సురేష్ బాబు వెంట‌నే రంగంలోకి దిగి రీమేక్ రైట్స్ చేజిక్కించుకున్నారు. దాంతో వెంక‌టేష్‌కి `అసుర‌న్‌` చేసే అవ‌కాశం ద‌క్కింది.