డిస్కోరాజా ఓ వైపు రెడీ అవుతుండ‌గానే, మ‌రోవైపు గోపీచంద్ మ‌లినేని సినిమాకి గ్రీన్ సిగ్న‌ల్ ఇచ్చేశాడు ర‌వితేజ‌. శ్రుతిహాస‌న్ ఈ సినిమాలో క‌థానాయిక‌గా న‌టిస్తోంది. ఈ చిత్రానికి `క్రాక్‌` అనే పేరు పెట్టిన‌ట్టు తెలుస్తోంది. ర‌వితేజ 64వ సినిమాకి సంబంధించి ఈ రోజు ఓ కొత్త అప్ డేట్ రానుంది. అది.. ఈ కాంబినేష‌న్ గురించే అని స‌మాచారం. కాంబోతో పాటు, టైటిల్ ని కూడా అధికారికంగా ప్ర‌క‌టించే అవ‌కాశాలున్నాయి. ఇందులో ర‌వితేజ పోలీస్‌గా క‌నిపించ‌బోతున్నాడు. ర‌వితేజ‌కు పోలీస్ క‌థ‌లు బాగానే అచ్చొచ్చాయి. పోలీస్ గా క‌నిపించిన‌ విక్ర‌మార్కుడు ర‌వితేజ కెరీర్‌లో పెద్ద హిట్టు. ప‌వ‌ర్ కూడా బాగానే ఆడింది. మ‌రి ర‌వితేజ‌కు అచ్చొచ్చిన యూనిఫామ్ క‌థ‌తో.. త‌ను మ‌ళ్లీ ఫామ్ లోకి వ‌స్తాడేమో చూడాలి.