అన్వేష‌ణ.. వంశీ కెరీర్‌లోనే ఉత్త‌మ చిత్రం. తెలుగునాట సస్పెన్స్, థ్రిల్ల‌ర్ చిత్రాల‌కు స్ఫూర్తినిచ్చిన సినిమా ఇది. ఆ త‌ర‌వాత ఈ జోన‌ర్‌లో ఎన్ని సినిమాలొచ్చినా, అవేవీ ‘అన్వేష‌ణ’కు సాటి రావ‌ని వంశీ అభిమానులు బ‌ల్ల‌గుద్ది చెబుతుంటారు. అందులో కొంత నిజం లేక‌పోలేదు కూడా. ఇప్పుడు మ‌ళ్లీ ఈ సినిమాని గుర్తు చేయ‌బోతున్నాడు వంశీ.
వంశీ ద‌ర్శ‌క‌త్వంలో ఇప్పుడో సినిమా రాబోతోంది. ఇది కూడా మ‌ర్డ‌ర్ మిస్ట‌రీ క‌థే. సస్పెన్స్ థ్రిల్ల‌ర్ జోన‌ర్‌లో సాగ‌నుంది. అట‌వీ నేప‌థ్యం కూడా ఉంది. ఓ ర‌కంగా చెప్పాలంటే ఇది అన్వేష‌ణ‌కి సీక్వెల్ అనుకోవొచ్చు. ప్ర‌స్తుతం స్క్రిప్టు ప‌నులు పూర్త‌య్యాయి. నూత‌న న‌టీన‌టుల‌తో ఈ సినిమా ప‌ట్టాలెక్క‌బోతోంది. త్వ‌ర‌లోనే ఈ సినిమాని సంబంధించిన ఓ అధికారిక స‌మాచారం బ‌య‌ట‌కు రానుంది.
