ర‌చ‌యిత‌గా ఉన్న కొర‌టాల శివ `మిర్చి`తో ద‌ర్శ‌కుడిగా రంగ ప్ర‌వేశం చేశాడు. అదే సినిమాతో హిట్టు అందుకుని టాలీవుడ్ టాప్ డైరెక్ట‌ర్స్ లిస్టులో చేరిపోయాడు. ఎన్టీఆర్‌, మ‌హేష్‌ల‌తో సినిమా చేసి, ఇప్పుడు ఏకంగా చిరంజీవిని డైరెక్ట్ చేయ‌బోతున్నాడు. త్వ‌ర‌లోనే మ‌ళ్లీ ప్ర‌భాస్ తో కొర‌టాల ఓ సినిమా చేస్తాడ‌ని జోరుగా ప్ర‌చారం జ‌రుగుతోంది. ఇటీవ‌ల ప్ర‌భాస్ – కొర‌టాల మ‌ధ్య సినిమాకి సంబంధించిన చ‌ర్చ‌లు కూడా మొద‌లైన‌ట్టు తెలుస్తోంది. ప్ర‌భాస్ కూడా కొర‌టాల‌తో మ‌రో సినిమా చేయ‌డానికి ఉన్నాడు. అయితే.. ఈమ‌ధ్య‌లో చిన్న అడ్డుతెర ఉంది. ఆ అడ్డుతెర పేరు… రామ్‌చ‌ర‌ణ్‌.

రామ్‌చ‌ర‌ణ్ – కొర‌టాల శివ కాంబోలో ఓ సినిమా రావాల్సివుంది. అయితే అదే స్థానంలో చిరంజీవి – కొర‌టాల సినిమా ఫిక్స‌య్యింది. కానీ చ‌ర‌ణ్‌కి మాత్రం కొర‌టాల‌తో సినిమా చేయాల‌న్న ఆశ మాత్రం బ‌లంగా ఉంది. చ‌ర‌ణ్ కూడా ముందు జాగ్ర‌త్త‌గా కొర‌టాల ద‌గ్గ‌ర మాట కూడా తీసుకున్నాడు. సో… చ‌ర‌ణ్ – కొర‌టాల కాంబో ఉంది. చిరుతో సినిమా అవ్వ‌గానే ఈ ప్రాజెక్టే ప‌ట్టాలెక్కాలి. కానీ ఇప్పుడు ప్ర‌భాస్ కూడా కొర‌టాల‌తో సినిమా చేయ‌డానికి ఉత్సాహం చూపిస్తున్నాడు. ఇప్ప‌టికున్న లెక్క‌లు, స్టార్ డ‌మ్ ప్ర‌కారం అయితే ప్రభాస్ – కొర‌టాల కాంబోపైనే క్రేజ్ ఎక్కువ‌గా ఉంటుంది. కొర‌టాల కూడా ప్ర‌భాస్ వైపే మొగ్గు చూపే ఛాన్సుంది. అయితే ఇది జ‌ర‌గాలంటే చ‌ర‌ణ్ త‌ప్పుకోవాలి. లేదంటే.. `ప్ర‌భాస్ సినిమా చేశాక‌, నాతో సినిమా చేయండి` అని కొర‌టాల‌కు మార్గం సుగ‌మం చేయాలి. మ‌రి ప్ర‌భాస్ తో సినిమాకు చ‌ర‌ణ్ దారిస్తాడో లేదో చూడాలి.