డిఫరెంట్‌ సబ్జెక్ట్‌లతో సినిమాలు చేస్తూ డిఫరెంట్‌ క్యారెక్టరైజేషన్స్‌తో వుండే హీరోల క్యారెక్టర్స్‌ని మనకి పరిచయం చేసే పూరి జగన్నాథ్‌ ఇప్పుడు మరో వెరైటీ సినిమాకి శ్రీకారం చుట్టబోతున్నాడు. తన ప్రతి సినిమా టైటిల్‌ వెరైటీగా వుండాలని కోరుకునే పూరి దానికి తగ్గట్టుగానే ఎవ్వరూ ఊహించిన టైటిల్స్‌తో తనకంటూ ఓ స్పెషాలిటీని క్రియేట్‌ చేసుకున్నాడు. తన సొంత సంస్థ వైష్ణో అకాడమీ బేనర్‌లో ఇప్పటికే చాలా సినిమాలు నిర్మించి సక్సెస్‌ఫుల్‌ నిర్మాతగా పేరు తెచ్చుకున్న పూరి అదే బేనర్‌లో ‘రీమిక్స్‌’ అనే ఓ డిఫరెంట్‌ మూవీ చెయ్యబోతున్నాడు.

నందమూరి కళ్యాణ్‌రామ్‌ హీరోగా ఎన్టీఆర్‌ ఆర్ట్స్‌ బేనర్‌లో ఓ సినిమా కమిట్‌ అయిన పూరి, ఎన్టీఆర్‌ హీరోగా మళ్ళీ ఓ సినిమా చెయ్యబోతున్న విషయం తెలిసిందే. అయితే ఈ రెండు సినిమాల్లో దేనికి ‘రీమిక్స్‌’ అనే టైటిల్‌ పెడతాడో తెలియదు. ఈ ఇద్దరు హీరోల ఇమేజ్‌ని బట్టి చూస్తే ‘రీమిక్స్‌’ అనే టైటిల్‌ ఇద్దరికీ సరిపడదు. అంతా కొత్తవారితో ఈ సినిమా చెయ్యబోతున్నాడని తెలుస్తోంది. అయితే ఎన్టీఆర్‌, కళ్యాణ్‌రామ్‌ల సినిమాలు కంప్లీట్‌ అయిన తర్వాతే ‘రీమిక్స్‌’ స్టార్ట్‌ చేస్తారని సమాచారం.