అనుష్క ప్రధాన పాత్రలో లేడీ ఓరియంటెడ్‌గా ‘సైజ్‌ జీరో’ చిత్రాన్ని నిర్మించి చేతులు కాల్చుకున్న పివిపి సినిమా అధినే ప్రసాద్‌ వి. పొట్లూరి ఇప్పుడు డోస్‌ మరింత పెంచాడు. ఈసారి ఏకంగా పది మంది హీరోయిన్లతో ఓ మల్టీ స్టారర్ ప్లాన్‌ చేస్తున్నాడు. ఒక సినిమాలో హీరోతోపాటు ఇద్దరు హీరోయిన్లు నటించడం సర్వసాధారణం. ఈమధ్యకాలంలో అది కాస్తా పెరిగి ముగ్గురు హీరోయిన్లకు చేరుకుంది. శ్రీను వైట్ల డైరెక్షన్‌లో వచ్చిన ‘కింగ్‌’ సినిమాలో నాగార్జునతోపాటు ఎనిమిది మంది హీరోయిన్లు ఆడి, పాడి సెన్సేషన్‌ క్రియేట్‌ చేశారు. ఇప్పుడు దాన్ని మించి పివిపి పది మంది హీరోయిన్లతో ప్రయోగం చేయబోతున్నాడు. అయితే పది మంది హీరోయిన్లతో ఫుల్‌లెంగ్త్‌ మూవీ నిర్మించడానికి సన్నాహాలు జరుగుతున్నాయి. దీనికి సంబంధించిన కథ కూడా ఫైనల్‌ చేసిన పివిపి ఈ సినిమాని ఏ డైరెక్టర్‌తో చెయ్యాలన్న విషయంలో చర్చలు జరుపుతున్నాడు. ఈ సినిమాలో అనుష్క, సమంత వంటి హీరోయిన్లతోపాటు రష్మీ, అనసూయ వంటి చిన్న హీరోయిన్లు కూడా నటించబోతున్నారు. టాలీవుడ్‌లో సెన్సేషన్‌ క్రియేట్‌ చెయ్యబోతున్న ఈ సినిమాకి సంబంధించిన పూర్తి వివరాలు త్వరలోనే ప్రకటించే అవకాశం వుంది.