వ‌ర్మ- పాల్‌ల‌ల‌ది టామ్ అండ్ జెర్రీ వ్య‌వ‌హారం. ఇద్ద‌రూ మాట్లాడితే బోలెడంత కామెడీ. ఒక‌రి గురించి ఇంకొక‌రు మాట్లాడితే మ‌రింత బీభ‌త్స‌మైన కామెడీ. ఇప్పుడైతే ఇద్ద‌రి మ‌ధ్య వార్ మొద‌లైపోయింది. వ‌ర్మ త‌న కొత్త సినిమా `క‌మ్మ రాజ్యంలో క‌డ‌ప రెడ్లు`లో కేఏ పాల్‌ని పోలిన పాత్ర‌ని సృష్టించాడు. పాల్‌తో వ‌ర్మ ఈ సినిమాలో చెడుగుడు ఆడుకోవ‌డం ఖాయంగా క‌నిపిస్తోంది. అది చూసి పాల్ మ‌న‌స్తాపానికి గుర‌య్యాడు. వ‌ర్మ‌పై కేసు వేస్తాన‌ని అంటున్నాడు. ప్ర‌స్తుతం పాల్ అమెరికాలో ఉన్నాడు. అక్క‌డి నుంచే వ‌ర్మ‌పై లీగ‌ల్ యాక్ష‌న్ తీసుకునే ప్ర‌య‌త్నాల్లో ఉన్నాడు. వ‌ర్మ ఇది వ‌ర‌కు త‌న‌ని సంప్ర‌దించాడ‌ని, త‌న సినిమాలో పెట్టుబ‌డి పెట్టాల‌ని అడిగాడ‌ని, త‌న కాళ్లు కూడా ప‌ట్టుకుని ప్రాధేయ‌ప‌డ్డాడ‌ని, వ‌ర్మ వ్య‌వ‌హారం న‌చ్చ‌క తాను ప్రోత్స‌హించ‌లేద‌ని, ఆ కార‌ణంతోనే ఇలా త‌న‌ని కార్న‌ర్ చేస్తున్నాడ‌ని పాల్ ఆరోపిస్తున్నాడు. క‌మ్మ‌రాజ్యంలో క‌డ‌ప‌రెడ్లు అనే టైటిల్‌తో ఎవ‌డైనా సినిమా తీస్తాడా? అంటూ ప్ర‌శ్నిస్తున్నాడు పాల్‌. తెలుగు చిత్ర‌సీమ‌లో ఎంతోమంది ద‌ర్శ‌కులు ఉన్నార‌ని, అయితే వ‌ర్మ‌లా ఎవ‌రూ దిగ‌జారిపోలేద‌ని, డ‌బ్బుల కోస‌మే వ‌ర్మ ఇలాంటి ప్ర‌య‌త్నాలు చేస్తున్నాడ‌ని ఆరోపిస్తున్నారు. త‌న‌ని క‌లిసిన‌, మాట్లాడిన వీడియోల‌ని త్వ‌ర‌లోనే చూపిస్తాన‌ని అంటున్నాడు పాల్‌. మొత్తానికి వ‌ర్మ‌కి ఇవ‌న్నీ ప‌బ్లిసిటీలో బాగానే ఉప‌క‌రిస్తున్నాయి. పైసా పెట్టుబ‌డి లేకుండా – త‌న సినిమాని త‌న‌దైన స్టైల్‌లో ప్ర‌మోట్ చేసుకుంటున్నాడు. అలా.. వ‌ర్మ ప్లాన్ స‌క్సెస్ అయిన‌ట్టే.