ప్ర‌స్తుతం ‘వీ’ సినిమాతో బిజీగా ఉన్నాడు నాని. ఇంద్ర‌గంటి మోహ‌న‌కృష్ణ ద‌ర్శ‌కుడు. ఈలోగా మ‌రి కొన్ని కొత్త క‌థ‌లు వింటున్నాడు. తాజాగా శివ నిర్వాణ చెప్పిన క‌థ‌కు నాని ప‌చ్చ జెండా ఊపాడు. స్క్రిప్టు సైతం సిద్ధ‌మైంది. డిసెంబ‌రు 1న ఈ చిత్రాన్ని లాంఛ‌నంగా ప్రారంభిస్తారు. జ‌న‌వ‌రిలో షూటింగ్ మొద‌ల‌వుతుంది. శివ నిర్వాణ‌తో ‘మ‌జిలీ’ తెర‌కెక్కించిన స‌న్‌షైన్ పిక్చ‌ర్స్ ఈ చిత్రాన్ని నిర్మిస్తోంది. సాహు గార‌పాటి, శిరీష్ పెద్ది నిర్మాత‌లుగా వ్య‌వ‌హ‌రిస్తున్నారు. ‘నిన్ను కోరి’, ‘మ‌జిలీ’లా ఇది కూడా రొమాంటిక్ ఎంట‌ర్‌టైన‌రే అని తెలుస్తోంది. త్వ‌ర‌లోనే క‌థానాయిక‌, ఇత‌ర న‌టీన‌టుల పేర్లు ప్ర‌క‌టిస్తారు. ఈ చిత్రానికి కూడా గోపీ సుంద‌ర్ సంగీతం అందించే అవ‌కాశాలున్నాయి. ‘నిన్నుకోరి’, ‘మ‌జిలీ’ చిత్రాల‌కు గోపీనే స్వ‌ర‌క‌ర్త‌.