అల్లు శిరీష్‌తో `ఒక్క క్ష‌ణం` సినిమా తీశాడు వి.ఐ ఆనంద్. ఆ స‌మ‌యంలోనే గీతా ఆర్ట్స్ లో ఓ సినిమా చేయ‌డానికి ఒప్పందం కుదిరింది. ఆనంద్ ఓ క‌థ కూడా వినిపించాడు. ఆ క‌థ అల్లు అర్జున్‌కైతే బాగుంటుంద‌ని అనుకున్నారు. బ‌న్నీతో సినిమా చేసే ఛాన్సొచ్చింద‌ని ఆనంద్ కూడా ఖుషీ అయిపోయాడు. అయితే… బ‌న్నీకి వ‌రుస సినిమాలు ఉండ‌డం, ఈ ద‌శ‌లో కొత్త‌వాళ్లతో ప్ర‌యోగాలు చేయ‌డానికి ఇష్ట‌ప‌డ‌క‌పోవ‌డంతో ఆనంద్‌కి మొండి చేయి ఎదురైంది.
అయితే ఇప్పుడు ఆ క‌థ నిఖిల్ ద‌గ్గ‌ర‌కు వెళ్లింది. నిఖిల్ – గీతా ఆర్ట్స్ 2 – వి.ఐ ఆనంద్ క‌ల‌యిక‌లో ఈ సినిమా ప‌ట్టాలెక్క‌బోతోంది. ఇదో సోషియో ఫాంట‌సీ క‌థ. సైన్స్‌, మ‌హిమ‌లు.. ఇలా చాలా అంశాలుంటాయి. ఒక్క క్ష‌ణం విడుద‌ల కాక‌మునుపే ఈ క‌థ లాక్ అయిపోయింది. కాక‌పోతే బ‌న్నీ కోసం అనుకున్న క‌థ నిఖిల్‌కి షిఫ్ట్ అయ్యిందంతే. అల్లు అర్జున్ – నిఖిల్.. ఇలా ఇద్ద‌రి ఇమేజులూ వేరు. స్టాయి వేరు. బడ్జెట్లు వేరు. మ‌రి నిఖిల్ ఎలా మ్యాచ్ చేస్తాడో మ‌రి.
