మెగా హీరోల్లో దాదాపుగా అంతా మంచి డాన్సర్లే. సాయిధరమ్ తేజ్ కూడా డాన్సుల ద్వారా తనకంటూ ఓ అభిమాన వ‌ర్గాన్ని సంపాదించుకున్నాడు. అయితే గ‌త కొన్ని సినిమాలుగా స‌రిగ్గా స్టెప్పులేసే అవ‌కాశ‌మే రావ‌డం లేదు. ఈసారి మాత్రం ఆ అవ‌కాశాన్ని అందిపుచ్చుకున్నాడు. తేజూ – మారుతి కాంబినేష‌న్‌లో రూపొందిన సినిమా ‘ప్ర‌తిరోజూ పండ‌గే’. శుక్ర‌వారం విడుదల అవుతోంది. ఇందులో మంచి డాన్సింగ్ నెంబ‌ర్లు ఉండేలా చూసుకున్నారు. ముఖ్యంగా ‘యువ‌ర్ మై హై’ పాట మంచి ఊపులో సాగుతోంది. ఈ పాట‌లో తేజూ స్టెప్పులు అదిరిపోయేలా ఉన్నాయ‌ట‌. మ‌రీ ముఖ్యంగా ఓ చోట నాన్ స్టాప్ గా 45 సెక‌న్ల ఓ డాన్స్ ట్రాక్ సాగుతుంద‌ని, అందులో తేజూ స్టెప్పులు క‌ళ్లు చెదిరేలాఉన్నాయ‌ని తెలుస్తోంది. ఫ్యామిలీ ఎమోష‌న్స్‌తో అల్లుకున్న క‌థ ఇది. మాస్‌ని మెప్పించ‌డానికి తేజూతో సిక్స్ ప్యాక్ చేయించారు. డాన్సుల్లోనూ ఎలాంటి లోటూ రాకుండా చూసుకున్నారు. ప్ర‌మోష‌న్లు కూడా ఓ రేంజులో సాగాయి. మ‌రి రిజ‌ల్ట్ ఎలా ఉంటుందో చూడాలి.