మోడీతో మోహ‌న్ బాబు కుటుంబం ములాఖాత్ అయ్యింది. ఈరోజు ఢిల్లీలో ప్ర‌ధాని నివాసంలో మోడీని క‌లుసుకున్నారు మోహ‌న్ బాబు. ఆయ‌న వెంట మంచు విష్ణు, విరోనిక‌. మంచు ల‌క్ష్మికూడా ఉన్నారు. దాదాపు అర‌గంట పాటు స‌మావేశం సాగింది. ఈ స‌మావేశంలో ఏం చ‌ర్చించారు? అనేది బ‌య‌ట‌కు రాలేదు. మంచు కుటుంబం మొత్తం బీజేపీలోకి చేరుతుంద‌ని ముందు నుంచీ ప్ర‌చారం జ‌రుగుతోంది. మంచు ల‌క్ష్మికి గానీ, మోహ‌న్ బాబుకి గానీ ఎంపీ టికెట్టు ఆశిస్తున్నార‌ని స‌మాచారం. రాబోయే ఎన్నిక‌ల‌ను దృష్టిలో ఉంచుకుని, ముందే బీజేపీ తీర్థం పుచ్చుకుంటే బాగుంటుంద‌ని మోహ‌న్ బాబు కుంటుంబం డిసైడ్ అయ్యింది. అందుకే ఇలా మోడీ అప్పాయింట్‌మెంట్ తీసుకుని మ‌రీ క‌లిశారు. ఇది వ‌ర‌కు మోడీ ప్ర‌ధాని అయిన‌ప్పుడు కూడా మోహ‌న్ బాబు కుటుంబం మోదీని క‌లుసుకుని శుభాకాంక్ష‌లు చెప్పి వ‌చ్చారు. చూస్తుంటే అతి త్వ‌ర‌లోనే మంచుఫ్యామిలీ మెడ‌లో బీజేపీ కండువాలు వ‌చ్చి చేరేట్టు క‌నిపిస్తున్నాయి.