చేసింది నాలుగు సినిమాలు. అయితేనేం.. స్టార్ లీగ్‌లోకి చేరిపోయాడు. `స‌రిలేరు నీకెవ్వ‌రు` కూడా హిట్ట‌యిపోతే అనిల్ రావిపూడి క్రేజ్ ఇంత‌కు ప‌దింత‌లు పెరిగిపోతుంది. చిరంజీవి కూడా అనిల్ రావిపూడి స్టైల్ చూసి ముగ్దుడైపోయాడు. అందుకే చిరు అవ‌కాశం ఇస్తే.. ఆయ‌న‌తో సినిమా చేయ‌డానికి తాను సిద్ధ‌మే అని ముందే ప‌చ్చ జెండా ఊపేస్తున్నాడీ కుర్ర డైరెక్ట‌ర్‌.
”చిరంజీవిగారంటే నాకు చాలా ఇష్టం. ఆయ‌న నా ఫంక్ష‌న్‌కి రావ‌డ‌మే గొప్ప విష‌యం. చిరు అవ‌కాశం ఇస్తే.. కేవ‌లం మూడు నెలల్లో స్క్రిప్టు సిద్ధం చేసి ఆయ‌న ముందుంచుతా” అంటున్నాడు అనిల్. `స‌రిలేరు నీకెవ్వ‌రు` హిట్ట‌యితే చిరు నుంచి త‌ప్ప‌కుండా పిలుపు రావొచ్చు. తన కోస‌మో, చ‌ర‌ణ్ కోస‌మో.. ఆయ‌న ఓ క‌థ సిద్ధం చేయ‌మ‌ని అడిగినా ఆశ్చ‌ర్య‌పోవాల్సిన అవ‌స‌రం లేదు. మ‌రి అది జ‌ర‌గాలంటే ఈనెల 11న బొమ్మ ద‌ద్ద‌రిల్లిపోవాల్సిందే.
అన్న‌ట్టు ఎఫ్ 2ని హిందీలో రీమేక్ చేయ‌మ‌ని త‌న‌నే అడుగుతున్నార్ట. అయితే ఈ విష‌యంలో తానేం ఆలోచించ‌లేదని, ఎఫ్ 3 స్క్రిప్టు కూడా సిద్ధం అవుతోంద‌ని, అయితే తన కొత్త‌సినిమా ఎప్పుడు, ఎవ‌రితో అనేది ఇప్పుడే చెప్ప‌లేన‌ని అంటున్నాడు అనిల్ రావిపూడి.
