అల్ల‌రి నరేష్.. ఈ పేరు వింటే చాలు. మ‌న ప్ర‌య‌త్నం లేకుండానే పెదాల‌పై చిరున‌వ్వులు పూస్తాయి. త‌ను చేసిన పాత్ర‌లు, ఇచ్చిన సినిమాలు అలాంటివి. అయ‌తే గ‌త కొన్నేళ్లుగా నరేష్ ఖాతాలో హిట్టు ప‌డ‌లేదు. న‌వ్వించే ప్ర‌య‌త్నాల‌న్నీ విఫ‌లం అవుతూనే ఉన్నాయి. ప్రేక్ష‌కుల పంథా కూడా మారింది. కేవ‌లం న‌వ్వుకోవ‌డానికే వాళ్లు థియేట‌ర్ల‌కు వెళ్ల‌డం లేదు. వాళ్ల‌కు కావ‌ల్సిన కామెడీ సోష‌ల్ మీడియాలోనే కావ‌ల్సినంత దొరుకుతుంది. ఈ ప‌రిస్థితుల్లో నరేష్ జోన‌ర్ మార్చాల్సిన అవ‌స‌రం వ‌చ్చింది. ఇప్పుడు అదే చేశాడు.
ఈరోజే నరేష్ కొత్త సినిమా ఒక‌టి ప‌ట్టాలెక్కింది. ఈ సినిమాని `నాంది` అని పేరు పెట్టారు. ఎప్పుడూ లేనిది.. ఈ సినిమాలో గెడ్డం లుక్‌తో క‌నిపించ‌బోతున్నాడున‌రేష్‌. ఇదో యాక్ష‌న్ థ్రిల్ల‌ర్‌. ఈ సినిమాకి సంబంధించిన ఓ పోస్ట‌ర్‌ని కూడా బ‌య‌ట‌కు వ‌దిలారు. పోలీస్ క‌స్ట‌డీలో త‌ల‌కిందులుగా వేలాడుతూ ఉన్న పోస్ట‌ర్ అది. ఇందులో నరేష్ న‌గ్నంగా క‌నిపిస్తున్నాడు. దీన్ని బ‌ట్టి నరేష్ ఏదో విభిన్న ప్ర‌య‌త్న‌మే చేస్తున్న‌ట్టు క‌నిపిస్తోంది. మ‌రి.. ఈ మార్పుతో నరేష్ జాత‌కం కూడా మారుతుందేమో చూడాలి.
