‘జ‌యం’ సినిమాతో గోపీచంద్‌కి గ‌ట్టి బ్రేక్ ఇచ్చాడు తేజ‌. ఆ సినిమాతో గోపీచంద్ కెరీర్ గ్రాఫ్ మొత్తం మారిపోయింది. ఇప్పుడు మ‌రోసారి వీరిద్ద‌రూ క‌లిసి ప‌నిచేయ‌బోతున్నారు. గోపీచంద్ కోసం తేజ ఓ క‌థ రెడీ చేస్తున్నారు. అతి త్వ‌ర‌లో ఈసినిమాకి సంబంధించిన అధికారిక ప్ర‌క‌ట‌న రాబోతోంది. మ‌రోవైపు రానా కోసం కూడా తేజ ఓ క‌థ రాశారు. ‘రాక్ష‌స‌రాజు రావ‌ణాసురుడు’ పేరుతో తెరకెక్క‌నుంది. అయితే ముందుగా గోపీచంద్ సినిమానే మొద‌ల‌య్యే అవ‌కాశాలున్నాయి. ఎందుకంటే రానా చేతిలో చాలా సినిమాలున్నాయి. అవ‌న్నీ ఓ కొలిక్కి రావాలి. ఈలోగా గోపీచంద్ సినిమాని పూర్తి చేయాల‌న్న ఆలోచ‌న‌లో ఉన్నాడు తేజ‌. మొత్తానికి బ్యాక్ టూ బ్యాక్ సినిమాల‌తో హోరెత్తించేందుకు తేజ సిద్ధ‌మ‌య్యాడు. మ‌రోవైపు గోపీచంద్ కూడా వ‌రుస సినిమాల‌తో బిజీ అవుతున్నాడు.