ఇంట్లో హీరోల‌తో సినిమాలు తీసి హిట్లు కొట్ట‌డం గీతా ఆర్ట్స్ అల‌వాటు. బ‌య‌టి హీరోల‌తోనూ అలాంటి మ్యాజిక్కులే చేస్తుంటుంది గీతా ఆర్ట్స్‌. నిజానికి ఇప్పుడు గీతా ఆర్ట్స్‌లో బ‌య‌టి హీరోల హ‌వానే ఎక్కువ‌గా క‌నిపిస్తోంది. ఒకేసారి నాలుగైదు ప్రాజెక్టుల ప‌నిమీద ఉంది గీతా ఆర్ట్స్‌. విజ‌య్ దేవ‌ర‌కొండ‌తో ఇప్ప‌టికే రెండు సినిమాల్ని నిర్మించింది. అందులో గీత గోవిందం మొమ‌ర‌బుల్ హిట్‌గా నిలిచింది. ఇప్పుడు రౌడీతో మ‌రో సినిమా చేయ‌డానికిప్లాన్ చేస్తోంది. ఈ విష‌యాన్ని అల్లు అర‌వింద్ స్వ‌యంగా ప్ర‌క‌టించారు. విజ‌య్ దేవ‌ర‌కొండ‌తో ఇప్ప‌టికే రెండు సినిమాలు చేశామ‌ని, మూడో సినిమా ఎప్పుడు చేస్తావ్ అంటూ ఈమ్‌యే విజ‌య్‌ని అడిగిన‌ట్టు, త‌ను ఒప్పుకున్న‌ట్టు క్లారిటీ ఇచ్చేశారు అర‌వింద్‌. ప్ర‌స్తుతం యువ హీరోల‌కు క‌థ‌లు సిద్ధం చేయ‌డంలో గీతా ఆర్ట్స్ బిజీగా ఉంది. ప‌నిలో ప‌నిగా.. విజ‌య్ దేవ‌ర‌కొండ కోసం కూడా ఓ క‌థ సిద్ధం చేసేస్తార‌న్న‌మాట‌.