ప్ర‌భాస్ క‌థానాయ‌కుడిగా – యూవీక్రియేష‌న్స్ ఓ సినిమా తెర‌కెక్కిస్తున్న సంగ‌తి తెలిసిందే. పూజా హెగ్డేక‌థానాయిక‌గా న‌టిస్తోంది. రాధాకృష్ణ ద‌ర్శ‌కుడు. ఇట‌లీ నేప‌థ్యంలో సాగే ప్రేమ‌క‌థ ఇది. ఇది వ‌ర‌కే విదేశాల్లో కొంత భాగం తెర‌కెక్కించారు. హైద‌రాబాద్‌లోనూ కొంత‌మేర షూటింగ్ సాగింది. ఈరోజు నుంచి అన్న‌పూర్ణ స్డూడియోస్‌లో కొత్త షెడ్యూల్ ప్రారంభ‌మైంది. ఇందుకోసం అన్న‌పూర్ణ‌లో కొత్త ప్ర‌పంచాన్ని సృష్టించారు ప్ర‌ముఖ ప్రొడ‌క్ష‌న్ డిజైన‌ర్ ఎస్‌.ర‌వీంద‌ర్ రెడ్డి. ఈ సినిమా కోసం ఓ చెరువునే త‌వ్వేశారు. అందులో ప‌డ‌వ‌పై ప్ర‌భాస్‌, పూజా హెగ్డేలు రొమాన్స్ చేసుకునే స‌న్నివేశాల్ని ఈరోజు నుంచి తెర‌కెక్కించ‌బోతున్నారు. దాదాపు ఎక‌రం విస్తీర్ణంలో ఈ చెరువు సృష్టించి, అందులో ఓ బోట్‌పై స‌న్నివేశాల్ని చిత్రీక‌రిస్తున్నారు. దాదాపుగా 4 రోజుల పాటు ప్ర‌భాస్ – పూజాల‌పై ఈ స‌న్నివేశాలు తీయ‌బోతున్నారు. ఆ త‌ర‌వాత‌.. రైలు నేప‌థ్యంలో ఇంకొన్ని సీన్స్ తీస్తారు. ఇది వ‌ర‌కే అన్న‌పూర్ణ‌లో ఈ సినిమా కోసం ట్రైన్ సెట్ వేశారుర‌వీంద‌ర్‌. 2021 వేస‌విలో ఈ చిత్రం విడుద‌ల కాబోతోంది. ఇది వ‌ర‌కు `జాన్‌` అనే పేరు పెడ‌దామ‌నుకున్నారు. కానీ `జానూ` వ‌చ్చేయ‌డంతో `రాధే శ్యామ్‌` అనే పేరు ఖ‌రారు చేయ‌బోతున్న‌ట్టు తెలుస్తోంది.