ఎన్నో రోజులుగా మణిరత్నం తర్వాత సినిమా గురించి ఎదురుచూస్తున్న ప్రేక్షకులకు, అభిమానులకు ఇది ఒక రకంగా సంతోషించదగ్గ వార్త కావొచ్చు. ఓకే కణ్మణి తర్వాత ఏ సినిమా కమిట్ అవ్వని మణిరత్నం ఎట్టకేలకు సినిమా కన్ ఫర్మ్ చేశారు. టాలీవుడ్, కోలీవుడ్ లో ఒకే ఇమేజ్ ఉన్న యువ నటుడు కార్తి హీరోగా మణిరత్నం ఓ బైలింగ్వల్ మూవీ చేస్తున్నారు.
ప్రస్తుతం స్క్రిప్ట్ దశలో ఉన్న ఈ సినిమా ప్రి ప్రొడక్షన్ వర్క్ పూర్తి చేసుకుని జూలైలో మొదలవనున్నదని కోలీవుడ్ టాక్. కార్తికి జంటగా ఈ సినిమాలో మలయాళ సూపర్ హిట్ మూవీ ప్రేమమ్ హీరోయిన్ సాయి పల్లవి నటిస్తుండటం విశేషం. సినిమాలో కార్తిని మునుపెన్నడు చూడని కొత్త అవతారంలో ప్రెజెంట్ చేస్తున్నారట మణిరత్నం.
ఏ.ఆర్ రెహమాన్ సంగీతం అందిస్తున్న ఈ సినిమాలో మిగతా స్టార్ కాస్ట్ కూడా చాలా పెద్దదిగా ఉంటుందని తెలుస్తుంది. మణిరత్నం దర్శకత్వంలో యువ సినిమాకు ఆయన సహాయక దర్శకత్వ శాఖలో పనిచేసిన కార్తి ఇప్పుడు ఆయన దర్శకత్వంలో సినిమా చేయడం విశేషం. ఇక ఈ సినిమాకు సంబందించిన మిగతా విషయాలు త్వరలో తెలిసే అవకాశాలు ఉన్నాయి.
