త‌మిళ ‘అసుర‌న్‌’ తెలుగులో `నార్ప‌ప‌` పేరుతో రీమేక్ చేస్తున్న సంగ‌తి తెలిసిందే. వెంక‌టేష్ క‌థానాయ‌కుడిగా న‌టిస్తున్నాడు. ప్రియ‌మ‌ణి, అమ‌లాపాల్ ప్ర‌ధాన పాత్ర‌లు పోషిస్తున్నారు. శ్రీ‌కాంత్ అడ్డాల ద‌ర్శ‌క‌త్వం వ‌హిస్తున్నాడు. ప్రస్తుతం త‌మిళ‌నాడు లోని ఓ ప‌ల్లెటూరులో చిత్రీక‌ర‌ణ జ‌రుగుతోంది. అక్క‌డ ఓ పాట‌ని తెర‌కెక్కిస్తున్నారు. నిజానికి అనంత‌పురంలో తీయాల్సిన పాట ఇది. అక్క‌డ కొంత‌మేర షూటింగ్ కూడా సాగింది. అయితే… జ‌న సందోహం మ‌ధ్య షూటింగ్ చేయ‌డం చిత్ర‌బృందానికి క‌ష్ట‌మైంది. షూటింగ్ జ‌రుగుతుండ‌గా జ‌నం చొచ్చుకుని రావ‌డం వ‌ల్ల షూటింగ్‌కి ఇబ్బంది క‌లుగుతుంద‌ని తెలుస్తోంది. చిత్రీక‌ర‌ణ జ‌రుగుతున్న‌ప్పుడు చుట్టు ప‌క్క‌ల జ‌నం సెల్‌ఫోన్ల‌లో షూటింగ్‌త‌తంగాన్ని రికార్డు చేయ‌డం కూడా చిత్ర‌బృందాన్ని క‌ల‌వ‌ర పెట్టిస్తోంది. అందుకే అనంత‌పురం నుంచి త‌మిళ‌నాడుకి లొకేష‌న్ షిఫ్ట‌యిపోయింది. త‌మిళ‌నాడులోని కోవిల్ ప‌ట్టి అనే గ్రామం.. అనంత‌పురం నెటివిటీని పోలి ఉన్న‌ట్టు చిత్ర‌బృందం గుర్తించింది. అందుకే అక్కడికి చిత్ర‌బృందం పయ‌న‌మైంది. దాదాపు నెల రోజుల పాటు అక్క‌డే షూటింగ్ జ‌ర‌గ‌బోతోంద‌ని తెలుస్తోంది. మ‌ణిశ‌ర్మ ఈ చిత్రానికి సంగీతం అందిస్తున్నారు.