అక్కినేని అఖిల్ ఆటోనడిపి ఓ మూడు వేలు సంపాదిస్తే.. ఎలా ఉంటుంది.. అదేంటి అఖిల్ ఆటోనడపటం ఏంటి.. మూడు వేలు సంపాధించడం ఏంటి అని మీరు ఆశ్చర్యపోవచ్చు. అవును నిజమే నండి మంగళవారం అక్కినేని అఖిల్ ఖమ్మంలో ఓ అభిమానిని కలుసుకునేందుకు వచ్చారు. ఖమ్మం ఎన్.ఎస్.పి కాలనీకి చెందిన అశ్విత్ రెడ్డి కొద్దిరోజులుగా కిడ్నీ సమస్యతో బాధపడుతుండటంతో తన అభిమాన నటుడు అఖిల్ ను కలవాలనే ఆశని వ్యక్తపరిచాడు. ఇక విషయం తెలుసుకున్న స్వచ్చంద సంస్థ వారు ఈ విషయాన్ని అఖిల్ కు తెలియచేసి ఇక్కడకు రప్పించారు.
అఖిల్ సినిమాతో అక్కినేని మూడో తరం వారసుడిగా తెరంగేట్రం చేసిన అఖిల్ ఆ సినిమాలో తన గ్రేస్ ను చూపించాడు. మంచు లక్ష్మి చారిటీ ద్వారా చిన్నారిని పరామర్శించిన అఖిల్ సరదాగా సిటీలో ఆటో నడపటం జరిగింది. ఆటో డ్రైవర్ గా పనిచేసినందుకు మూడు వేలు రూపాయలు వసూలు చేసి అశ్విత్ రెడ్డికి అందచేసిన అఖిల్ ఆ స్వచ్చంద సంస్థ ద్వారా మూడు లక్షల రూపాయాల ఆర్ధిక సహాయాన్ని అందించడం జరిగింది.
ఆరేళ్ల అశ్విత్ రెడ్డి కొద్దిరోజూగా కిడ్నీ సమస్యతో బాధపడుతుండటంతో విషయం తెలుసుకున్న లక్ష్మి చారిటీ మేము మేము సైతం ద్వారా ఆ పిల్లాడిని అఖిల్ చేత కలిపించి తన కోరికను నెరవేరేలా చేసింది.
