ఎట్ట‌కేల‌కు మ‌హేష్ బాబు సినిమా ఓకే అయ్యింది. ప‌ర‌శురామ్ క‌థ‌కు ప‌చ్చ‌జెండా ఊపేశాడు మ‌హేష్‌. మే – జూన్‌ల‌లో ఈ ప్రాజెక్టు ప‌ట్టాలెక్క‌నుంది. ఇప్ప‌టికే మ‌హేష్‌కి క‌థ వినిపించేశాడు ప‌ర‌శురామ్‌. ఇప్పుడు డైలాగ్ వెర్ష‌న్ తో బిజీ అయ్యాడు. డైలాగ్ వెర్ష‌న్ కూడా అయ్యాక ఓ ఫుల్ నేరేష‌న్ ఇవ్వాల్సి ఉంటుంది. అయితే అంత‌కు మించి ప‌ర‌శురామ్ ముందు ఓ టార్గెట్ ఉంది. ఈ చిత్రాన్ని ఎప్పుడు మొద‌లెట్టినా 100 రోజుల్లో పూర్తి చేయాల‌న్న‌ది ల‌క్ష్యం. `స‌రి లేరు నీకెవ్వ‌రు` చిత్రాన్ని కేవ‌లం 80 రోజుల్లోనే పూర్తి చేశారు. ఆ లెక్క‌న ఓ 20 రోజులు ఎక్కువ ఇచ్చిన‌ట్టే. ప‌ర‌శురామ్ కాస్త స్పీడుగానే సినిమా తీస్తాడు. కాబ‌ట్టి వంద రోజుల్లో ఈ సినిమాని పూర్తి చేయ‌డం పెద్ద స‌మ‌స్య కాదు. కాక‌పోతే… క‌రోనా మ‌హ‌మ్మారి ప్ర‌పంచాన్ని కుదిపేస్తోంది. అది ఎప్పుడు దారిలో ప‌డుతుందో చెప్ప‌లేం. షూటింగ్ మొద‌లైనా మ‌ధ్య‌మ‌ధ్య‌లో ఎలాంటి ఆటంకాలు వ‌స్తాయో ఊహించి చెప్ప‌డం క‌ష్టం. కానీ ప‌ర‌శురామ్ మాత్రం ధీమాగానే ఉన్నాడు. పెద్ద పెద్ద యాక్ష‌న్ ఎపిసోడ్లేమీ లేక‌పోవ‌డం ఈ క‌థ‌కు క‌లిసొచ్చే అంశం. 14 రీల్స్‌, మైత్రీ మూవీస్ ఈ చిత్రాన్ని సంయుక్తంగా నిర్మిస్తున్నాయి. ప్ర‌స్తుతం క‌థానాయిక వేట కొన‌సాగుతోంది. మ‌హేష్‌తో ఇది వ‌ర‌కు న‌టించిన ఓ క‌థానాయికే… ఈ సినిమాలోనూ క‌నిపించ‌బోతోంద‌ని టాక్‌. మ‌రి ఆమె ఎవ‌రో త్వ‌ర‌లో తెలుస్తుంది.