మ‌హేష్ బాబు – త్రివిక్ర‌మ్‌ల‌ది అదిరిపోయే కాంబినేష‌న్‌. `అత‌డు` డీవీడీలు అరిగిపోయే వ‌ర‌కూ చూశారు. `ఖ‌లేజా` థియేట‌ర్ల‌లో కంటే… హోం థియేట‌ర్ల‌లో ఇర‌గాడేసింది. `అస‌లు అది ఫ్లాప్ అవ్వాల్సిన సినిమా కాదు` అనేది మ‌హేష్‌, త్రివిక్ర‌మ్ అభిమానుల మాట‌. వీరిద్ద‌రి నుంచి మ‌రో సినిమా రావాల‌ని ఎప్ప‌టినుంచో ఎదురుచూస్తున్నారు. దానికి ఇప్పుడు రూట్ క్లియ‌ర్ అవుతున్న‌ట్టు టాక్. మ‌హేష్ త‌దుప‌రి సినిమా ప‌రశురామ్ తో ఫిక్స‌యిపోయింది. కాక‌పోతే.. లేటెస్టుగా అందిన న్యూస్ ఏమిటంటే.. ఈమ‌ధ్య మ‌హేష్ త్రివిక్ర‌మ్ ట‌చ్‌లోకి వెళ్లాడ‌ట‌. `మీకు వీలైతే చెప్పండి.. సినిమా చేసేద్దాం` అని మ‌హేష్ ఆఫ‌ర్ ఇచ్చిన‌ట్టు తెలుస్తోంది. అయితే ఎన్టీఆర్ – త్రివిక్ర‌మ్ సినిమా సైతం ఫిక్స‌యిపోయింది. కానీ ఎన్టీఆర్ కాల్షీట్లు ఎప్ప‌టి నుంచి అందుబాటులో ఉంటాయ‌న్న‌ది స్ప‌ష్టం కాలేదు. ఒక‌వేళ ఎన్టీఆర్ సినిమా ఆల‌స్య‌మై, ఈమ‌ధ్య‌లో మ‌రో సినిమా చేసేంత స‌మ‌యం ద‌క్కితే… ఈ కాంబో మొద‌ల‌య్యే ఛాన్సులు కొట్టిపారేయ‌లేం. మ‌రి ప‌ర‌శురామ్ ఏం చేస్తాడు? అనేదే పెద్ద డౌటు. ప‌ర‌శురామ్ ని మ‌హేష్ ఇప్ప‌టి వ‌ర‌కూ ఓ ఆప్ష‌న్‌గానే భావిస్తూ వ‌స్తున్నాడు. `ఏదీ కుద‌ర‌క‌పోతే… ప‌ర‌శురామ్ ఉన్నాడులే` అనేది మ‌హేష్ ధీమా. చేతిలో ప‌ర‌శురామ్ ని ఉంచుకుని, మిగిలిన రూట్ల‌న్నీ గాలించాల‌న్న‌ది మ‌హేష్ ఆలోచ‌న‌. అందుకే త్రివిక్ర‌మ్ ట‌చ్‌లోకి వెళ్లాడ‌ట‌. ప‌ర‌శురామ్ సినిమా మొద‌ల‌వ్వ‌డానికి ఇంకా మూడు నెల‌ల స‌మ‌యం ఉంది. ఈలోగా ఏదైనా జ‌ర‌గొచ్చు.