ఎన్టీఆర్ – త్రివిక్ర‌మ్ కాంబినేష‌న్‌లో ఓ సినిమా రూపుదిద్దుకోనున్న సంగతి తెలిసిందే. ఆర్‌.ఆర్‌.ఆర్ విడుద‌ల‌కు ముందే ఈ ప్రాజెక్టు సెట్స్‌పైకి వెళ్ల‌నుంది. ఈ చిత్రంలో మ‌రో యువ క‌థానాయ‌కుడు కూడా న‌టించే అవ‌కాశం ఉంది. త‌న సినిమాల్లో యంగ్ హీరోల‌కు త‌గిన పాత్ర‌ల్ని రాస్తుంటాడు త్రివిక్ర‌మ్‌. అజ్ఞాత‌వాసిలో ఆది పినిశెట్టి, అర‌వింద స‌మేత‌లో న‌వీన్ చంద్ర‌ల‌కు కీల‌క పాత్ర‌లు ల‌భించాయి. ‘అల‌.. వైకుంఠ‌పుర‌ములో’ కూడా అంతే. సుశాంత్ కి మంచి పాత్ర ద‌క్కింది. న‌వ‌దీప్ కూడా న‌టించాడు. ఈసారీ అదే ఫార్ములాలో వెళ్ల‌బోతున్నాడు త్రివిక్ర‌మ్. ఎన్టీఆర్ చిత్రంలో ఓ పాపుల‌ర్‌, యంగ్ హీరో క‌నిపించ‌నున్నాని టాక్‌. అయితే ఇప్ప‌టి వ‌ర‌కూ త్రివిక్ర‌మ్ ఎవ‌రితోనూ సంప్ర‌దింపులు జ‌రుప‌లేదు. లాక్ డౌన్ ఎత్తేశాక‌.. అప్ప‌టి ప‌రిస్థితులు, డేట్లూ చూసుకుని, ఆ హీరోని ఎంపిక చేస్తార‌ని తెలుస్తోంది. ఈ చిత్రానికి `అయిన‌నూ పోవ‌లె హస్తిన‌కు` అనే పేరు ఖ‌రారు చేసిన‌ట్టు స‌మాచారం. అయితే చిత్ర‌బృందం ఇంకా ధృవీక‌రించ‌లేదు.