ప్ర‌ముఖ నిర్మాణ సంస్థ సోనీ పిక్చ‌ర్స్ తెలుగులో ఓ సినిమా చేయ‌డానికి ప్లాన్ చేస్తోంది. అదో లేడీ ఓరియెంటెడ్ సినిమా. స‌మంత‌ని క‌థానాయిక‌గా ఎంచుకుంది. ఓ కొత్త ద‌ర్శకుడికి ఛాన్స్ ఇచ్చింది. తెలుగు, త‌మిళ భాష‌ల్లో ఈ చిత్రాన్ని తెర‌కెక్కిస్తారు. లాక్ డౌన్‌కి ముందే… ఒప్పందాలు జ‌రిగిపోయాయి. ప్ర‌స్తుతం స‌మంత చేతిలో ఉన్న లేడీ ఓరియెంటెడ్ స‌బ్జెక్ట్ ఇదే. షూటింగ్ ఎప్పుడు మొద‌లైనా స‌రే, సింగిల్ షెడ్యూల్ లో ఈ సినిమాని పూర్తి చేయాల‌న్న‌ది ప్లాన్‌. మ‌రోవైపు స‌మంత కోసం స‌రికొత్త క‌థ‌లు సిద్ధం అవుతున్నాయి. సింగీతం శ్రీ‌నివాస‌రావు ద‌ర్శ‌కత్వంలో `బెంగ‌ళూరు నాగ‌ర‌త్న‌మ్మ‌` బ‌యోపిక్ రూపొందుతోంది. క‌థానాయిక‌గా స‌మంత పేరే ప‌రిశీల‌న‌లో ఉంది. సింగీతం సినిమా, అందులోనూ బ‌యోపిక్ అంటే.. స‌మంత వ‌దులుకోదు. అయితే సోనీ పిక్చ‌ర్స్ తో సినిమా పూర్త‌వ్వాలి. చేతిలో ఉన్న క‌మిట్‌మెంట్స్ అవ్వాలి. ఆ త‌ర‌వాతే ఏదైనా.