గాసిప్ వెబ్ సైట్ పై విజయ్ దేవ‌ర‌కొండ యుద్ధం ప్ర‌క‌టించాడు. తాను స్థాపించిన‌ `మిడిల్ క్లాస్ ఫండ్‌` కార్య‌క‌లాపాల్ని ఎద్దేవా చేస్తూ – సామాజిక సృహ లేకుండా ప్ర‌వ‌ర్తించిన ఓ వెబ్ సైట్‌పై – విరుచుకుప‌డుతూ ఓ వీడియో రూపొందించాడు విజ‌య్‌. కిల్ ద ఫేక్ న్యూస్ అంటూ ఓ నినాదంతో – ముందుకొచ్చాడు. దీనిపై విజ‌య్‌కి అంద‌రి నుంచీ అనూహ్య‌మైన స్పంద‌న వ‌స్తోంది. విజ‌య్‌తో పాటుగా మిగిలిన న‌టీన‌టులు, సాంకేతిక నిపుణులు గొంతు క‌లుపుతున్నారు. `నీ వెంట మేమున్నాం` అంటూ భ‌రోసా ఇస్తున్నారు.

ఈరోజు `కిల్ ద ఫేక్ న్యూస్‌` పేరిట విజ‌య్ ఓ వీడియో పోస్ట్ చేశాడు. అది బాగా వైర‌ల్ అవుతోంది. బ్లాక్ మెయిల్ చేస్తూ ప‌బ్బం గ‌డుపుతున్న స‌ద‌రు వెబ్ సైట్ కి వ్య‌తిరేకంగా, విజ‌య్‌కి అనుకూలంగా గొంతులు లేస్తున్నాయి. `ఐ స్టాండ్ బై యూ బ్ర‌ద‌ర్‌` అంటూ తొలి మ‌ద్ద‌తు మ‌హేష్ బాబు నుంచి వ‌చ్చింది. కొర‌టాల శివ‌, అనిల్ రావిపూడి, హ‌రీష్ శంక‌ర్‌, అనిల్ సుంక‌ర‌, బీవీఎస్ ర‌వి… ఇలా వీళ్లంతా త‌మ ట్వీట్ల ద్వారా విజ‌య్‌కి మ‌ద్ద‌తు ప్ర‌క‌టించారు. ఇది క‌చ్చితంగా విజ‌య్ దేవ‌ర‌కొండ‌కు కొత్త ఉత్సాహాన్ని ఇచ్చేదే.

I stand by you brother @TheDeverakonda #KillFakeNews #KillGossipWebsites https://t.co/mk5enwj5Pm pic.twitter.com/ESYodVIQbw

— Mahesh Babu (@urstrulyMahesh) May 4, 2020