చిరంజీవి – శ్రీ‌దేవి క‌ల‌సి న‌టించిన అపురూప‌మైన చిత్రం జ‌గ‌దేక‌వీరుడు అతిలోక సుంద‌రి. కె.రాఘ‌వేంద్ర‌రావు ద‌ర్శ‌క‌త్వం వ‌హించిన ఈ చిత్రం ఆల్ టైమ్ క్లాసిక్స్ లో ఒక‌టి. ఈ సినిమాని రీమేక్ చేయాల‌ని ఎప్ప‌టి నుంచో అనుకుంటున్నారు. కానీ ఆ ప్రాజెక్టు వార్త‌ల్లో వినిపించ‌డం త‌ప్ప‌, సెట్స్‌పై క‌నిపించ‌లేదు. అయితే ఈ సినిమాకి సీక్వెల్ త‌ప్ప‌కుండా ఉంటుంద‌ని, సీక్వెల్ తీశాకే సినిమాల నుంచి రిటైర్ అవుతాన‌ని అశ్వ‌నీద‌త్ ప్ర‌క‌టించారు. అయితే ఆ సీక్వెల్ ఎప్పుడు, ఎవ‌రితో తీస్తార‌న్న‌ది ఇంకా ప్ర‌క‌టించ‌లేదు. నిజానికి చ‌ర‌ణ్‌తో ఈ సినిమా చేయాల‌ని అశ్వ‌నీద‌త్ ప్లాన్‌. చిరుకి దత్ చాలా స‌న్నిహితుడు. ఆమ‌ధ్య చిరంజీవితో ఓ సినిమా చేయ‌నున్నాన‌ని, దానికి నాగ అశ్విన్ ద‌ర్శ‌కుడ‌ని ప్ర‌క‌టించారు ద‌త్‌. కానీ.. అది కేవ‌లం వార్త‌లకే ప‌రిమిత‌మైంది. బ‌హుశా.. ఆ ప్రాజెక్టుని చ‌ర‌ణ్‌తో టేక‌ప్ చేసే ఛాన్సులున్నాయి. ఈ సీక్వెల్‌కి నాగ అశ్విన్ ద‌ర్శ‌క‌త్వం వ‌హించినా ఆశ్చ‌ర్య‌పోవాల్సిన అవ‌స‌రం లేదు. ప్ర‌స్తుతం నాగ అశ్విన్ ప్ర‌భాస్ కోసం ఓ క‌థ రాస్తున్నాడు. వంద‌ల కోట్ల బ‌డ్జెట్ లో రూపొందించే ఈ చిత్రం పాన్ ఇండియా స్థాయిలో ఉండ‌బోతోంది. 2022లో ప్రేక్ష‌కుల ముందుకు వ‌స్తుంది. ఆ త‌ర‌వాతే.. జ‌గ‌దేక‌వీరుడు సీక్వెల్ ఉండొచ్చు.