అందాల రాక్ష‌సితో ఆక‌ట్టుకున్న ద‌ర్శ‌కుడు హ‌ను రాఘ‌వ‌పూడి. ఆ త‌ర‌వాత‌… కృష్ణ‌గాడి వీర ప్రేమ‌గాథ‌తో మ‌రో హిట్టుకొట్టారు. లై, ప‌డి ప‌డి లేచె మ‌న‌సు చిత్రాలు నిరాశ ప‌రిచాయి. ఇప్పుడు స్వ‌ప్న సినిమా సంస్థ‌లో ఆయ‌నో సినిమా చేయ‌బోతున్నారు. దుల్క‌ర్ స‌ల్మాన్ క‌థానాయ‌కుడు. క‌థ రెడీ అయ్యింది. ప్ర‌స్తుతం ప్రీ ప్రొడ‌క్ష‌న్ ప‌నులు జ‌రుగుతున్నాయి. లాక్ డౌన్ ఎత్తేశాక‌, షూటింగుల‌కు అనుమ‌తులు వ‌చ్చాక ఈ సినిమా ప‌ట్టాలెక్క‌బోతోంది. తెలుగు, త‌మిళ‌, మ‌ల‌యాళ భాష‌ల్లో ఈ సినిమాని ఒకేసారి విడుద‌ల చేయ‌నున్నారు. దీంతో పాటు స్వ‌ప్న సినిమా సంస్థ నందినిరెడ్డితో ఓ సినిమా చేయ‌బోతోంది. న‌టీన‌టులు, ఇత‌ర సాంకేతిక నిపుణుల వివ‌రాలు త్వ‌ర‌లో తెలియ‌జేస్తారు. ఈ సినిమాలో నాని లేదా, విజ‌య్ దేవ‌ర‌కొండ క‌థానాయ‌కులుగా న‌టించే అవ‌కాశాలున్నాయ‌ని తెలుస్తోంది. హీరో ఫైన‌ల్ అయ్యాక‌… ప్రాజెక్టు వివ‌రాలు అధికారికంగా ప్ర‌క‌టిస్తారు.