విశాఖ‌లో విష‌వాయువు ఘ‌ట‌న టాలీవుడ్ ని క‌ల‌చివేస్తోంది. ఈ ప్ర‌మాదంపై ప‌లువురు టాలీవుడ్ ప్ర‌ముఖులు దిగ్భ్రాంతిని వ్య‌క్తం చేశారు. చిరంజీవి, మ‌హేష్‌బాబు, అల్లు అర్జున్‌, ర‌వితేజ, కొర‌టాల శివ… ఇప్ప‌టికీ ట్వీట్ల‌తో త‌మ సంతాపాన్ని వ్య‌క్తం చేశారు. విశాఖ త‌మ అభిమాన న‌గ‌ర‌మ‌ని, అక్క‌డి ప్ర‌జ‌లు ప‌డుతున్న ఇబ్బంది, గ్యాస్ లీకేజీకి సంబంధించిన దృశ్యాలు హృదయ విదార‌కంగా ఉన్నాయ‌ని, బాధుతులు త్వ‌ర‌గా కోలుకోవాల‌ని ఆకాంక్షించారు. మృతుల కుటుంబాలకు త‌మ ప్ర‌గాఢ సానుభూతిని వ్య‌క్తం చేశారు. ఇలాంటి స‌మ‌యంలోనే ప్ర‌జ‌లు ధైర్యంగా ఉండాల‌ని, ప్ర‌భుత్వం బాధితుల్ని అన్ని విధాలుగా ఆదుకోవాల‌ని సూచించారు. ”ఇలాంటి క్లిష్ట‌మైన త‌రుణంలో విశాఖ‌లో గ్యాస్ లీక్ వార్త వినాల్సిరావ‌డం గుండెని క‌లిచి వేస్తోంది. వారి కోసం నేను ప్రార్థిస్తున్నా” అంటూ మ‌హేష్ బాబు ట్వీట్ చేశారు. ”నాకెంతో ప్ర‌త్యేక‌మైన ప్ర‌దేశం విశాఖ‌ని ఈ స్థితిలో చూడ‌డం క‌ల‌చి వేసింద”న్నాడుఅల్లు అర్జున్‌. ఘ‌ట‌న‌కు సంబంధించిన చిత్రాలు చూస్తుంటే బాధ‌గా ఉంద‌ని వ‌రుణ్ తేజ్ ట్విట్ట‌ర్‌లో త‌న సంతాపం తెలియ‌జేశారు.
విశాఖ ఘ‌ట‌న: దిగ్భ్రాంతిలో టాలీవుడ్
